sulisilluni ajoquserneq
Nakorsap qimerluup saarngata napisimanera arajutsigaa
Rosannguaq Abelsen Nanortalimmeersoq anniaatiminik pisortanullu 1996-imiilli tamaviaarutiginnissimavoq. Maannalu isumalluarnartoqalerpoq. Nakorsamit sulisilluni ajoqusersimanera kiisami akuerineqarpoq
56-inik ukiulik Rosannguaq Abelsen, Nanortalimmi najugaqartoq, Namminersornerullutik Oqartussani sulisilluni qimerlummi saarngatigut 1996-imi ajoquserpoq.
Nakorsarli journaliani allappoqinunnguuseralugu ajoqut pineqartoq. Taamani inuttaa ajoqusermat
qimerluup saarngatigut napisoqarsimanera nakorsamit paasineqarsinnaalerserlugu ukiuni 19-ini anniartuarsimavoq.
Inuuneq allanngorpoq
Sulisillunili ajoqusersimanerminut taarsiivigineqarnissaminik suli tamaviaarutiginnippoq. Sulisilluni ajoquserneq Rosannguaq Abelsenip inuuneranik allanngortitsisoq tassanngaannaq pisimavoq.
- Sikaaviup toqqorsiviup amusartuisa qulliit ilaannit suliamut atatillugu mappe tigusussaavara. Taavali sikaaviup toqqorsiviup uppiffigaanga nikeriarsinnaajunnaarlungalu. Annerujussuarninnit ilisimajunnaarpunga. Inimi kisimiippunga ilisimmaqqikkamalu ikiortissarsiorlunga nilliallunga. Inuit arlaliullutik sikaavik kivinniartariaqarsimavaat peersinnaaqqullunga. Meeraallunga nukappiaraasaavunga nukittuujujuaannarsimallungalu. Tamanna tunngavigigunarlugu annerusumik ajoqusinngilanga, Rosannguaq Abelsen oqaluttuarpoq.
Atuaruk: Tunumi sulisilluni ajoqusernerit soqutigineqanngillat
Allaaserisaq tamaat AG-mi uani sapaatip-akunnerani saqqummertumi atuaruk, pisiniarfimmi imaluunniit uani ataani e-aviisitut pisiarisinnaavat: