Skip to main content

Nakorsanngorlaaq: Nunatsinnut angerlalersoq

Avannamut aallarfissanngorpoq. Najannguaq Jørgensen nakorsanngorlaajuvoq Danmarkimilu ukiorpassuarni ilinniareersimalluni Dronning Ingridip Napparsimmavissuanut suliartulerluni.

Najannguaq Jørgensen (31) utaqqisinnaanngingajappoq. Ungasinngitsukkummi ukiuni arfineq pingasuni affarmilu ilinniagaqareersimalluni Aarhusilu misigisaqarfigereersimallugu poortuisussanngorpoq Kalaallit Nunaannullu uterluni.

Nakorsatut ilinniagaqarsimanermik nassataqassaaq, tamatumalu Kalaallit Nunaanni peqqinnissaqarfimmi iluaqutaasutut atulernissaa qilanaaraa.

– Misilitsinnerit tamaasa naammassivakka. Ungasinngitsukkullu aasaanerani taartagallartutut sulilissaanga, juullernissaata tungaanut pilattaanermut immikkoortortaqarfimmi sulilinnginninni. Tamatuma kingorna nakorsaatitortunut immikkoortortaqarfimmut ingerlaqqissaanga kiisalu nakorsiartarfimmi ukiup affaani sulissallunga. Pissanganartorujussuuvoq.

Najannguaq Jørgensen, Maniitsuminngaanneersoq, Danmarkimi ukiuni arfineq pingasuni affarmilu najugaqarsimavoq.

– Ilikkagaqarfiusimaqaaq, nuannerluni unammilligassaqarlunilu, oqaluttuarpoq.

Ilinniarnermilu saniatigut peqqissuunerup siuarsarnissaannik suliniummi Timigami, innuttaasut nammineq tunngavigisatik atorlugit kalaallisullu akuutinneqarnisaannik siunertaqartumi, suliniummut aqutsisuusimalluni.

2015-imi aasakkut Aarhus Universitetimi nakorsanngorniat arfineq marluk allat peqatigalugit Kalaallit Nunaanni illoqarfinni angalavoq innuttaasut peqqissuuneq, nappaatit timilu pillugit oqaloqatigiartorlugit.

Maanna nunaminut uternissaminut qilanaarpoq.

Allaaserisaq tamaat aviisip Sermitsiap tallimanngormat saqqummersup ilinniarneq pillugu tapiliussaani atuarsinnaavat. Aviisi ugguuna pisiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER