Nakorsaatit
Nakorsaatit kukkusat kalaallinut nassiunneqarsimasut
Upernavimmi nunaqarfiinilu innuttaasut iisartagartunnginnissaannik mianersoqqussut. Pamolit 300-jukkaat pineqarput.
Pamoli iisartagaq akuutissarinngisamik akoqarput assigiinngitsunik sunniuteqarput kingunerluutigisinnaasaallu assigiinnatik.
Pamolit iijuminarsarlugit qallikkat amitsukujuujupput qaqortumik qalipaatillit ”PAMOL”-imillu illuagut allannillit. Iisartakkat arlaanni ”PAMOL” allassimanngilaq.
Nakorsaatit pineqartut Kalaallit Nunaanni taamaallaat Upernavimmi nunaqarfiinilu tunniunneqarsimapput, peqqinnisaqarfimmi oqartussat taama paasissutissiipput.
Poortat aqqanillit atorneqarsimapput ilai nassiullugit
- Nakorsaatinik pineqartunik annikitsunik januaari qaammat Upernaviup Peqqissaavianut nassiussisoqarsimanera, Kalaallit Nunaannut pilersuisup ilisimatitsissutigaa. Nakorsaatit ataatsimoortut aqqanillit – peqqissavimmi atorneqarlutik, illoqarfimmi innuttaasunut tunniunneqarlutik imal. nunaqarfinnut nassiunneqarsimanerat, napparsimmavimmi sulisunit nalunaarneqarsimavoq.
Innuttaasunut paasitissiineq
Tamatuma kingunerisaanik oqartussat Upernavimmi nunaqarfiinilu innuttaasuinut ima kaammattuipput:
"Pamol® -inik 300-inik imalinnik normumik matuminnga ilisarnaatilinnik batch nr. 11255945 ( 07-2021 sioqqullugu atugassianik), peqaruit iisinak peqqissaavimmut/ nunaqarfimmi nakorsiartitsivimmut uterteqqullugit Peqqinnissaqarfimmit kajumissaarneqarputit.
Ataatsimik arlalinnilluunniit Iisereersimaguit tamannalu pissutigalugu ernumaguit, Upernaviup Peqqissaavianut oqarasuaatikkut
96 12 11 saaffiginnissinnaavutit.