Unnuk kulturisiorfik 2018
Najukkami katersugaasivik takorluukkanik misissuisoq
Ulloq 20. januar unnuk kulturisiorfimmi Nuutoqaq / NUuk Lokalmusem nutaanik saqqummersitsissaaq, tassani eqqumiitsuliortut imminut ilinniatissimasut Nuumminngaanneersut ataatsimoorlutik katersugaasiviup takuniaasartuinut "Hvad drømmer vi om" qulequtaralugu saqqummersitsissapput.
Annonce
Eqqumiitsuliortut tassaapput, Camilla Nymand Petersen og Susanne Jensen tamarmik qalipaanermik eqqumiitsuliortut Nive Brønsilu marraq atorlugu eqqumiitsuliortartoq.
Saqqummersitani eqqarsaativut sinnattugulli sammineqarput. Assersuutigalugu Nive Brøns, takorluukkat qanoq ineriartortitsisinnaanerat takutinniarlugu marramik suliaqartalernerminiik maannakkumut suliarisarsimasani saqqummersissavai, katersugaasiviup tusagassiuutinut nalunaarutaani allassimavoq.
Qisuit nivinngartitikkat
Saqqummersitsinermi qalipakkat, marrat, qissiallu atorneqassapput, immikkulli immikkoortoqarfimmi, meeqqat kissaataat sinnattuilu – ulluinnatsinnik, pinngortitamik oqaluttualiallu isumassarsiorfigalugit qisunnik nivinngartiterisoqassalluni.