pinngitsaaliisarnerit
Najaaqqamut pinngitsaaliisoq suli eqqartuussaanngilaq
Najaaraq Kathrine Petersenimut pinngitsaaliisoq marloriarluni eqqartuussivimmut takkutinngilaq
Najaaraq Kathrine Petersen Danmarkimi najugaqarpoq, taassumunngalu pinngitsaaliisup eqqartuussaanissaa ukioq ataaseq sinnerlugu utaqqivaa.
Angut pinngitsaaliisimalluni nassuerutigereerpaa.
29-nik ukiulik Najaaraq Kathrine Petersen oqaluttuani aviisimut MX-imut oqaluttuaraa, taannalu inuuneranut sunniuteqarpoq.
- Angut Nuummiippoq. Marloriarluni eqqartuussaanikuugaluarpoq, tamarmik peqataaffiginngilai. Politiit sumiinnersoq nassaarisinnaasimanngilaat, MX-imut oqaluttuarpoq.
Eqqartuunneqarsinnaanngitsoq
Politiit angut tigusariniarlugu orniguttaraluartut atigusarisinnaaneq ajorpaat sumiinnersoq nalusaramikku.
Pinngitsaaliineq 2014-mi pivoq festertoqarnerani. Tassani Najaaraq Kathrine Petersen sinitsilluni angut ukiuni 20-ni angajulliusoq pinngitsaaliivoq.
- Kalaallit Nunaanni pinngitsaaliisarnerit amerlavallaarujussuarput. Arnat arlaqartut pinngitsaalisaanikut nalunngilakka, aviisimut oqaluttuarpoq.