Kalaallit Nunaat Tivolimi
Naip Tivolimi marloriaammik takutitsissaaq
'Kalaallit Nunaat Tivolimi' sapaatip akunnerata tulliani aallartissaaq. Maannakkullu piareersartoqaleruttorpoq
Meeqqat inersimasullu 29-t Naip-imi ilaasortaasut Tivolimi takutitsinissaminnut piareersaleruttorput. 'Kalaallit Nunaat Tivolimi' juulip 31-ani aggustillu aallaqqaataani ingerlanneqartumi takutitsissapput.
Tivolimi aliikusersuinissarput quiasaarinerup, erinarsornerup qitinnerullu aqqani ingerlanneqassaaq, ilisimaneqartutut Naip qitigiaatai, Modeshow, Greenlandic Thai massagiartartut, qilaatersorneq, angutit nukappiaqqallu tukkaarsornerannik aammalu Naip-ip meerartai uaajeernermik, namminnerlu quiasaarusiaannik takutisisoqassaaq. Pisarnitsitullu peqataasussat tamarmik aaqqissueqataapput. Akunnerlu ataatsip missaani alikkusersuineq qitinnerlu sivisussuseqassaaq.
- Takutitsineq akunnermi ataatsip missaanni sivisussuseqartussami takutitsisussat piareersaaqataapput. Takutitsisoqannginnerani isiginnaartut kalattoorsinnaapput, ilaasortagullu aamma kalattoornermik ilinniartitsissapput juulip 31-ani aggustillu aallaqqaataani nalunaaqutaq 12.00-imit akunnermi ataatsimi, Ane Berthelsen aamma Lars Ezekiassen Naip sinnerlugit oqaluttuarput.