Kangerluk
Naatsiianik naatitsineq aningaasatigut imminut suli akilersinnaanngitsoq
Kangerlummi naatsiianik misileraalluni naatitsineq iluatsilluaraluartoq, avannaani nunalerinermik inuussutissarsiuteqarsinnaaneq suli ungasittoq, Søren Kristiansen oqarpoq
Søren Kristiansen, Qeqertarsuarmi najugaqarlunilu sulisoq, ukiut kingulliit ingerlanerini Kangerlummi naatsiianik misileraalluni naatitsisarpoq – tamannalu iluatsilluarpoq.
Misileraanermi uppernarsineqarpoq, avannaani aasaq sivikikkaluartoq, naatsiaat pitsaasut amerlasuullu naatinneqarsinnaalluartut.
Søren Kristiansenip misileraanermini maskiina assallatserut mikisoq kisiat atorpaa – taamaattumillu naatitsiniarnermi nukipparujussuit atorneqartariaqartarput. Ukioq manna misiliutitut nunaminertani marluusuni naatinneqartut, augutsip naalernerani qallorneqartut kusanarluinnarput. Nunaminertat taakku tatsimit imerterneqartarput. Nuna naggorissuuvoq, naatitsivigissallugu pitsaasuulluni.
Allaaserineqartoq Tamanut Avannaanimi atuarneqarsinnaavoq. Aviisi akeqanngitsumik ataani aajuk: