pikkorissaanerit
Naartusut hashimik atornerluisarnerannik suliniut
Naartusut hashimik atornerluisu, meerartik ajoqusersinnaavaat. Pikkorissaanermik atortut nutaat ajornartorsiummut sammisaqartitsipput, pikkorissaanerit Nuummi Aasiannilu aallartereersimapput.
Ulluni makkunani ”MANU hash” ernisussiortunut, peqqissaasunut, ilaqutariinnut sullissivinni sulisunut kiisalu Allorfik Nuummi Aasiannilu sulisunut pikkorissaasoqarpoq.
Meeqqap qarasaa sunnerneqartartoq
"MANU hash”-imik anguniagaavoq, meeqqat kikkulluunniit naartuunerminni alliartornerminnilu ikiaroornartumik sunnerneqannginnissaat. Naartusoq ikiaroornartumik pujortaraagat, meeraaqqap naartuusup qarasaa sunnerneqartarpoq.
Tamatuma kingunerisinnavaa meeqqap inuunermi ilaani ilikkariartornissaminut akornuteqarsinnaanera. Ilaqutariinneq meeqqallu alliartornerat akornuserneqarsinnaapput, ikiaroorneq angajoqqaat inuunerannut ilaappat.
Peqqissutsimut Naalakkersuisoqarfik aamma Angajoqqaanngornissamut piareersaasarneq - MANU suliffeqarfik namminersortoq ”God Barndom” suleqatigalugu pikkorissaanermik ineriartortitsipput.
Atornerluineq unitsillugu
Naartulluni hashimik atornerluinerup unitsinneqarnissaaq suliniummi pingaarnertut anguniangaavoq.
- Neriuppunga ilaqutariit meerartaalersut kiisalu ilaqutariinngorlaat, ikiaroornartumik atuisuusut neqeroorummik tapersersuutaasumik matuminnga tigusilluassasut. Meeqqat tamarmik pitsaasumik toqqissisimasumillu peroriartortariaqarput, ikiaroornartumik sunnertisimasunik angajoqqaaqarnatik”Agathe Fontain, Peqqissutsimut Naalakkersuisoq tusagassiuutinut nalunaarummi oqarpoq.