Kalaallit Nunaat Tivolimi 2017
Naapeqatigiinnermi inuttut nukittuffiit ukkatarineqarput
Ataasinngorpat marlunngorpallu 41-saanik Tivolimi naapeqatigiittoqassaaq: Kalaallit Nunaat Tivolimi. Naapeqatigiinnermi inuttut nukittuffiit, tulluusimaarutigisinnaasatsinnik, aaqqissuisunit ukkatarineqarput.
Aaqqissuisut Nukiga suleqatissavavaat, taanna Aarhusimi Kalaallit Illuata ataani suliniaqatigiiffiuvoq, Europamilu Kulturisiorfissatut tunngatillugu jyllandip illoqarfiisa pingaarnersaani arlalinnik aaqqissuussassaqarluni.
Videoliaaqqaat skærmerujussuakkut
Tivolimi skærmersuaqarumaarpoq, tassa videoliaaqqat nipilersortartut pulaartulli tamarmik immikkut inuttut nukittuffitik oqaluttuaringaat takutinneqassallutik. Unammisitsisoqarumaarput, ilaatigut pulaartut inuttut nukittuffitik allaaserissallugit, Air Greenlandimiillu angalanermut gavekorti pingaarnertut pinnatassaajumaarpoq. Imminut tulluusimasaaraluni pitsaasumillu oqaluttualiortoqarnissaa anguniangaasoq, tusagassiuutinut nalunaarummi erserpoq, tassani Kalaallit Nunaanut oqaluttuat nukittorsarneqarnissaat anguniangaalluni.
- Tivoli Danmarkimi takuniangassani soqutigineqarnersaavoq, danskit amerlasuut Tivolimukartartut saniatigut, aasaanerani nunat tamalaat akoranneersut ujartuisarput. Nukiga-p Kalaallit Nunaat pillugu nutaanik oqaluttualiornissaanut periarfissatsialaavoq, tassani isumamik pingiliutiinnarnerup nalaani isummat pingiliutiinnarneqarsimasut akerlilerneqarsinnaassallutik, taamaasillutalu kalaallit ataatsimoornerat tulluusimaarutigalugu nuannaarutigisinnaassallutigit. Kalaallit Nunaat Tivolimi ukiumoortumik naapeqatigiittarfiunnaanngilaq, kisianni aamma inuit, kulturiat aammalu inuussutissarsiutaat saqqummersinneqartarlutik, Miki Jensen Kalaallit Nunaat Tivolimi projektlederiuvoq.
Kalaallit Nunaanut eqqarsaatit
Aarhusimi Kalaallit Illuani pisortaaneq, Jørn Holbech, oqarpoq:
- Kalaallit Nunaat Aarhusimi takusassiarineqarnissaa, Nukiga-p isumaanut tunngavioq, kulturilu illuni ataasiakkaani piinnarani illoqarfimmut saqqummersinneqassalluni. Kalaallinut nuanninngitsunik isumanik pingilituiinnarsimasat pitsaanerusumik isiginnittariaatsimik taarserneqassapput. Piffissami sivikitsuaqqami inuit amerlasuut aaqqissuussinitsinnut peqataarusunnerat malugisimavarput, taamatulli suliffeqarfiit suleqatiginnikkumanerat. Kikkut tamaasa eqqarsalersikkusuppagut, Kalaallit Nunaat nutaaliaasoq, pissangarnoq aammalu nutaaliortoq, Jørn Holbech oqarpoq.