Aatsitassaq
Naalakkersuisuusimasup peqataatitsisimannginneq nassuerutigaa
Aatsitassarsiornermullu naalakkersuisuusimasup, Inuit Ataqatigiinnersup Ove Karl Berthelsenip, nassuerutigaa Inuit Ataqatigiit Naalakkersuisuutitaqarnerisa nalaani innuttaasut aatsitassarsiorneq pillugu peqataatinneqarnerat naammaginarsimanngitsoq
KNR-ip Qulaarpaami innuttaasut aatsitassarsiorneq pillugu peqataatinneqarnerat pingasunngornermi aallakaatitsinissami sammilerpagu, piviusulersaarut ICC-mit aamma WWF Verdensnaturfondenimit suliartinneqarsimasoq aallakaatissavaa.
WWF-ip nittartakkamini allaaserisaa naapertorlugu inuussutissarsiornermut aatsitassarsiornermullu naalakkersuisuusimasup, Inuit Ataqatigiinnersup Ove Karl Berthelsenip, aallakaatitassiami nassuerutigissavaa innuttaasunik akuutitsineq Inuit Ataqatigiit Naalakkersuisuutitaqarnerisa nalaani naammaginartumik inissisimasimanngitsoq.
Piviusulersaarut nalunaaqutaq 19.30 KNR TV-kkut allaakaatinneqassaaq, aatsitassiorneq pillugu politikkikkut oqallinnermik malitseqartinneqassalluni. Kalaallisut oqallinneq nalunaaqutaq 20.00 aallartissaaq, qallunaatut oqallinneq 20.30 aallartinniartoq.
Sermitsiaq.AG-ip marlunngornermi allaaserisaatut Naalakkersuisut Kujataani urani pillugu paasisitsiniaanissamut sapaatip akunnerata tulliani pisussamut aggersaapput. Siorna paasisitsiniaanerit assigalugit politikerinik paasisitsiniaanermi peqataasoqassanngilaq.
Atuaruk: Kujataani urani pillugu paasisitsiniaasoqalerpoq