uuliap akia

Naalakkersuisut uuliamut quaapput

Aggustimi ikummatissat akitsuuserujussuarniarneqarput – januaarimi akit appasinnerusinnaagaluarput

Polar Oil, tankanlæg, Nuuk, polaroil
Januaarip tallimaani Polaroilip akit 27 ørimik apparpai, taamaalilluni dieseluulia 5,93 koruuneqaler- luni, petroleum 6,04 koruuneqalerluni benzinalu 5,78 koruuneqalerluni. Akiniipput avatangiisinut akitsuut 10 øre

Ikummatissat pillugit Nalaakkersuisut politikkiat paasiuminaappoq. Marlunngornermi aggustip 11-ani Aningaasaqarnermut Naalakkersuisup Anda Uldumip 2016-imut aningaasanut inatsisissatut siunnersuut saqqummiuppaa, imarivaalu ikummatissat literimut 45 ørinik akitsuuserneqarnissaat imaluuunniit katillugit atuisut 60 million koruuninik akiligassinneqarlutik.

Marlunngornermi januaarip 5-ani aningaasaqarnermut Naalakkersuisuugallartup Vittus Qujaukitsup ‘tupaallaatigalugulu pakatsissutigaa’ uuliamik pilersuinermut suliffeqarfiup Polaroilip ikummatissaq literimut 27 ørinik appartimmagu imalunniit katillugit atuisut 34 million koruuninik sipaaruteqarlutik. Naalakkersuisunit oqariartuutigineqartut marluk assigiinngissutigaat 94 million koruunit.

Atuaruk: Qujaukitsup uuliamut isumalluartuunnginneq akerlilerpaa

Annertunerusimasariaqaraluartoq
Vittus Qujaukitsoq isumaqarpoq Polaroilip ikummatissanut akigititai taama pingaaruteqartigitillugit akinik appaaneq Naalakkersuisunut akuersissutigineqartussatut saqqummiunneqarsimasariaqarluartoq.

Nunarsuarmi uuliap akia appariarujussuarsimavoq sapaatillu akunnerata massuma aallartinnerani uulia akuiarneqanngitsoq nappartamut 32 dollars 87 centeqarpoq. Vittus Qujaukitsoq isumaqarpoq Polaroilip akinik appaanera 27 ørinit annertunerusimasariaqaraluartoq.

Sermitsiami saqqummeqqammertumi allaaserisaq tamaat atuaruk, taanna uani pisiarisinnaavat:

Powered by Labrador CMS