Inatsisartut
Naalakkersuisut siunnersuutaat saqqummiunneqarput
Inatsisartut ukiaanerani ataatsimiinnissaanut Naalakkersuisut siunnersuutaat talliamanngormat Kim Kielsenip saqqummiuppai
Inatsisissatut siunnersuutit katillugit 40-t Naalakkersuisunit saqqummiunneqarput, taakku saniatigut Inatsisartut ukiaanerani ataatsimiilerpata aalajagiiffigisassat allat eqqartorneqassapput.
Inatsisartut ukiaanerani ataatsiminniissaannut siunnersuutinik tunniussivissaq killigitinneqartoq ullumi tallimanngornermi qaagiuppoq..
Naalakkersuisut siulittaasuata Kim Kielsenip tusagassiortunik katersortitsinermi Naalakkersuisut siunnersuutaat 40-t saqqummiuppai.
- Naalakkersuisut siunnersuutaat tamarmik pingaaruteqarput. Taamaammat pissaganarpoq Inatsisartuni ilaasortat siunnersuutitsinnut oqassanersut, Kim Kielsen tusagassiortunik katersortitsinermi oqarpoq.
Aalisarnermut inatsisissap saniatigut Naalakkersuisut ilaatigut isumaginnittoqarfik nukittorsarusuppaat, pisortatigoortumik Kalaallit Nunaani piitsuussuseq killilerniarpaat, sermeq imerlu pillugit pilersaarusiorneq aammalu Inatsisartut meeqqat atuarfiinut inatsisaat allanngortinniarneqarluni.
Inatsisartut ukiaanerani ataatsimiinnerat tallimanngornermi ulloq 22. september aallarnerneqassaaq.