Malissuaq
Naalakkersuisut piffimmut aallartitaqartut
Uummannap eqqaani pisut Naalakkersuit qanimut malinnaavigaat. Naalakkersuisoq Sara Olsvig tusagassiortunik katersersortitsinermi taama oqaluttuarpoq.
Opdateret 14:00 med oplysing om, at delegationen sendes hurtigst muligt, men ikke nødebndigvis i dag.
Naalakkersuisut Uummannap eqqaani pinasuartumik aallartitaqarnissartik pilersaarutigaat.
Taamaattooq piffimmi annaassiniartartussat atortussallu pingaarnersiungaralugit salliutinneqarallarlutik.
Naalakkersuisut siulittaasuata tullia, Sara Olsvig (IA) radioaviisi aallaavigalugu taama oqaluttuarpoq.
Naalakkersuisut pisoq unnuaq tamaat qanimut malinnaavigisimavaat, annaassiniarnerlu politiinit upalungaarsimatitanillu suliarineqartoq, taassuma oqaatigaa.
Pisoq oqartussat pitsaanerpaamik suliaringaat tatigilluinnarlugu, Sara Olsvigip oqaatigaa.
Islandi Danmarkilu ikiuussinnaallutik neqeroorsimapput, taamaattoq allanit ikiorsiisoqassanersoq upalungaarsimatitat naliliiffigissavaat.
Kim Kielsenip naalagaaffeqatigiit naapeqatigiinnerisa nalaani angalanera pissutigalugu, Sara Olsvig Naalakkersuisunut sinnerlugit oqaaseqartartuungallarpoq.