Tugassiorfinnut tapiissutit
Naalakkersuisut modarbejder Inatsisartut: Inatsitigut takussutissat isertuuppaat
Aleqa Hammondip piumasaarsorluni avisinut nuna tamakkerlugu saqqummersartunut tunniukkumajunaariataagaanik 2,5 millioner koruuninik pisimasoq nalorninartulerujussuaq Nivi Olsenip kingornuppaa - illersorlugulu
Nutaarsiassaqartitsivimmut Sermitsiaq.AG-mut aviisinut tapiissutissanik Naalakkersuisut inatsisit unioqqutillugit unitsitsinerat eqqumiilliartuinnarpoq.
Maanna pappiala pingaaruteqarsinnaasoq, tassa inatsisit malillugit allakkiaasorineqartoq, suliap ingerlanneqarneranik Naalakkersuisut namminneq naliliinerannik imalik, Naalakkersuisut tunniukkumanngilaat.
Tamanna peqatigalugu - suli eqqumiiginarnerusumik - Naalakkersuisut nassuerutigaat suliap ingerlarngamik inatsisitigut itisiliisumik naliliisimaneq, Inatsisartut inatsiseqarnermut allaffianni siunnersortaanermit suliarineqarsimasoq, isiginiarneqarsimanngitsoq.
Tassuuna Naalakkersuisut 2014-imi aviisinut nuna tamakkerlugu saqqummersartunut tapiissutinik 2,5 millioner koruuninik tunniussinnginnissamik aalajangernerat apeqquserneqarsimavoq. Siunnersortaanerup nassuiaataa, Inatsisartunit suliassiissutigineqarsimasoq, aningaasat nutaarsiassaqartitsivinnut tunniunneqarnissaannik aningaasanut ataatsimiititaliap piumasaqaataanut tunngaviusimavoq.
Taamaakkaluartoq Naalakkersuisut nassuiaat piniarsimanngilaat, namminnerlu inatsisitigut naliliinertik kisiat pingaartissimallugu. Taannalu isertuussaalluinnarpoq!
Ima isertuussaatigaaq, Aningaasanut Ataatsimiititaliami ilaasortap Naaja Nathanielsenip (IA), taassuma inerniliinera pisinnaasimanagu.
Allaaserisaq tamaat AG-mi sapaatip akunnerani saqqummersumi atuaruk, taannalu pisiniarfinni ataaniluunniit e-avisitut pisiarisinnaavat