aqqusinniornissaq

Naalakkersuisut iliuuseqarnissaat borgmesterip piumasaraa

Qeqqata Kommuniani borgmester, Malik Berthelsen, Naalakkersuisut kaammattorpai piaartumik aqqusinniornissamut aalajangeeqqullugit.

Qeqqata Kommunia kan ikke længere vente, hvornår Naalakkersuisut beslutter sig for at støtte vejprojektet mellem Kangerlussuaq og Sisimiut. Borgmester Malik Berthelsen kræver handling

- Kangerlussuarmiit Sisimiunut aqqusinniornissaq pillugu Attaveqaqatigiinnermut Naalakkersuisoq Hans Enoksen upernaarli oqaloqatigisimavarput. Ataatsimiinnerit ingerlalluarput, Naalakkersuisulliuna iliuuseqartoqarsimanngitsut.

Qeqqata Kommunia borgmester Malik Berthelsen (S) Sermitsiaq.AG-mut oqarpoq.

Taamaammaat Naalakkersuisut kaammattorpai aqqusinniornissamut aalajangipallaqqullugit.

- Novembarip qaammataata naanera nallertinnagu aqqusiniliornissamut suleqatigiissitamik pilersitsisoqarnissaa neriuutigaarput, ATV-nulli aqqutissaq kingusinnerpaamik aasaru aallartinneqarnissaa. VVM-imummi misissuinerit naammassereernikuupput, misissuinerilli Naalakkersuisunit suli akuerineqarsimanngillat. Naalakkersuisut massakkut iliuuseqarnissaat neriuutigaarput, taanna erseqqissaavoq.

Atuaruk: Qeqqata Kommunia aqqusinniornissaq pillugu paasisaqarusuppoq

Issittumi uumasuuteqarfissuaq

Naalakkersuisut kommuneqarfiit allat kisiisa attaveqaqatigiinnermut suliniuteqarnerat, Malik Berthelsenip pakatsissutigeqqavaa, Qeqqata Kommunianimi attaveqaqatigiinnermut pilersaarutinik saqqummiussisoqarsimanngilaq.

- Takornariaqarneq aningaasanik isertitsissutigineqarnerulernissaa Naalakkersuisut sulissutigaat. Tamaani periarfissat arlallit neqeroorutigisinnaangaluarpagut, Namminersorlutillu Oqartussanit taperserneqanngikkutta ineriartorneq unitsissinnaavaa, Malik Berthelsen oqarpoq.

Takorialerinermut atatillugu Kangerlussuaq ineriartortinneqarnissamut periarfissaqarluartoq, oqaatigaa, aqqusinerlu pilersinneqaraluarpat ataarutinik atuineq suli amerlanerusunik periarfissiissasoq.

- Aamma assersuutigalugu Aalborg Zoologisk Have attaveqarfigisimavarput, taakku tamaani Issittumi Uumasuusivissuarmik pilersitserusupput. Pilersinneqassappalli aqquserngup pilersinneqarnissaa piumasaqaataavoq. Tamaani arlalinnik periarfissaqarpoq Naalakkersuisut tapersinngitsoorsinnaanngisaat. Naggataanimi Nunarput aningaasanik iluanaaruteqalertussaavoq, Malik Berthelsen oqarpoq.

Atuaruk: Sisimiuni umiarsualivimmik ingerlatsivik pisariaqartinneqarpoq

Powered by Labrador CMS