nussuineq
Naalakkersuisut ilinniarfeqarfiit sisamat Nuummiit nuukkusukkaat
Nunarput oqimaaqatigiissumik ineriartortikkumallugu Naalakkersuisut ilinniarfeqarfiit illoqarfiit pingaarnersaannit nuukkusuppaat. Tassani ilinniarfeqarfiit sisamat pineqarput.
Nunarput oqimaaqatigiinnerusumik ineriartortinneqassasoq Naalakkersuisut kissaatigaat.
Tamanna pissutigalugu Aningaasaqarnermut Akileraartarnermullu Naalakkersuisumit, Aqqaluaq B. Egedemit aamma Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisumillu, Doris Jakobsemillu, ilinniarfeqarfiit sisamat illoqarfiit pingaanersaannit Nuummiit, Nunatsinni illoqarfinnut allanut nuunnialerpaat.
Atuaruk: Nussuineq 500 millionit koruuninik akeqassaaq
Ilinniarfeqarfiit uku nuunneqassapput
Nuunneqartussallu ukuupput:
- Saviminilerinermik Ilinniarfik Sisimiunut
- Niuernermik Ilinniarfik (NINUUK) Qaqortumut
- Isumaginninnermut siunnersortitut ilinniagaq Ilulissanut
- Eqqumiitsuliornermik Ilinniarfik Aasiannut
Atuaruk: D: Ilinniarfiit nuunneqarnissai isumassarsialatsiaanngilaq
Suli qulakkeerneqanngitsoq
Taamaattoq ilinniarfeqarfiit sisamut nuunneqarnissaat suli aalajangiunneqarsimanngilaq. Naalakkersuisut paasissutissiipput ilinniarfeqarfinnik taakkunannga sisamanik nuussinerup kinguneqaatissai sukumiisumik ersersinneqaqqaassasut.
Misissueqqissaarnermi pissutsit makku ilaatigut ilanngunneqassapput nuussinermi aningaasartuutit, ilinniartussarsiornermut sunniutissat aammalu ilinniarfeqarfiit sulisussaannik atorfinititsinissamut tunngassutillik.
Atuaruk: Suliffeqarfiit nussorneqarnerinut Asii akerliuvoq
Misissueqqissaarnerit septembarimi naammassineqassasut naatsorsuutigineqarpoq, taamaasilluni nuussuinissaq 2018-imut aningaasanut inatsisissatut siunnersuummi ilanngunneqarsinnaassallutik.
Naalakkersuisut upperaat, siammarterineq inuiaqatigiinni oqimaaqatigiinnermik pitsanngorsaanermut pingaaruteqartuusoq.