amaqqut
Naalakkersuisut amaqqunik qaqutigoortunik piniarneq ammaanniaraat
Nalunaarummi nutaami amaqqut eqqissisimatitaalluinnarnerat atorunnaarsinneqassaaq, naak amaqqutqasserpiaanerat ilisimaneqanngikkaluartoq. Qaanaami Siorapalummilu piniartut amaqqut nungusagaanissaannik eqqartuipput. Pinngortitaleriffik amaqqut piniagaalernissaannut mianersoqqusivoq
Naalakkersuisut aalajangiisinnaappata – taamaappullu – Siorapalummi Qaanaamilu piniartut kiisortunik piniakkaminnik nujoqqatsitsillutilllu nerisaqartutut isumaqarfigisaminnik nungusaasinnaalissapput: Amaqqunik oqaluttuatoqqani tusaamasaasunik.
Tusarniaaneq
Maannamut Ittoqqortoormiini eqqaanilu taamaallaat amarorniartoqarsinnaasimavoq, naak AG pisaqartoqarsimaneranik nalunaarutinik nassaarsinnaasimanngikkaluartoq. Nalunaarummili nutaami tusarniaassutigineqaleqqammersumi nersutit qaqutigoortut sumiluunniit naammattoorneqartut eqqissisimatitaanerat siunissami atorunnaarsinneqassaaq. Amaqqut siunissami nunami allanngutsaaliukkami taamaallaat eqqissisimatitaalissapput.
AG taama allaaserisaqarpoq.
Kalaallit Nunaanni amaqqunik taamatut aalajangiinissamut tunngavissaasinnaasunik ilisimasaqartoqarpallaanngikkaluarpoq. Naalakkkersuisut tungaannit allannguummut tunngavilersuummik ilanngussisoqanngilaq, taamaallaalli nalunaarutip oqaasertassaa, piniariaatsinik nalunaarutiginniffiusoq pisallu nalunaarsorneqartarnissaannik piumasaqarfiusoq, saqqummiunneqarluni.
- Naatsumik allaaseralugu Amaqqut pillugit nalunaarutip Kalaallit Nunaanni amaqqut inuussutissarsiutigalugu piniartunit piniagaalernissaat siunertaavoq, siunertami naatsumik oqaatigineqarpoq.
Amerlassusaat ilisimaneqanngitsoq
Kalaallit Nunaanni amaqqut ullumikkut qassiunerat ilisimaneqanngilaq, ilimanarlunili 50-it 100-llu akornannit amerlanerunavianngitsut.
Allaaserisaq tamaat uani sapaatip-akunnerani AG-mi saqqummertumi atuaruk. Aviisi ullumi pisiniarfinni pisiarisinnaavat. Uani ataani aviisi digitaliusumik pisiarinissaanut periarfissaqarpoq: