isumaqatiginninniarneq

Naalakkersuisut Alcoamut piumasaqaateqarnerulersut

Tatsini marlunni erngup nukinganik nukissiorfiliornissamut periarfissaasinnaasut, minnerunngitsumillu pilersaarusiornerup nalaani paasisarpassuit katersat ingerlatseqatigiiffinnut allanut tuniniarlugit Naalakkersuisunit isumaqatiginninniutigineqarpoq

Naalakkersuisoq Vittus Qujaukitsoq, Siumut

Aluminiumik aatitsiffiliortoqassanngippat, Alcoa imeqarfimmik aamma aqutsisuussanngilaq.

Tamanna Namminersortutik Oqartussanit oqariartuutigineqarpoq.

Isumaqatigiissut
Inuussutissarsiutinut, Sulisoqarnermut, Niuernermut Nunanullu Allanut Naalakkersusoq Vittus Qujaukitsup Siumumeersup Alcoamik isumaqatigiissut ukiut arfineq pingasut matuma isumaqatigiissutigineqartumut nutaamik isumaqatiginninnialeruttorpoq.

Isumaqatigiissutip kingunerisussaavaa tatsini marlunni erngup nukinganik nukissiorfiliornissamut periarfissaasinnaasut, minnerunngitsumillu pilersaarusiornerup nalaani paasisarpassuit katersat ingerlatseqatigiiffinnut allanut tuniniarlugit Naalakkersuisunit avammut nalunaarutigineqarsinnaalissammata.

- Taamatut aneriarfissaqalerneq Alcoa-mik isumaqatigiissusiorluta atsioqatigisatsinnik atorunnarsitsinertut paasineqassangilaq, maannakkulli taamaaliornikkut nunatsinni mingutsitaanngitsumik nukissamik kalaallit pigisatinnik atuilluni suliffissualiorsinnaaneq siunertaralugu ammasumik unammisoqarsinnaalissaaq, Vittus Qujaukitsoq oqarpoq.

Ataatsimiisitsineq
Namminersorlutik Oqartussat Qeqqata Kommunialu nunatsinni Alcoa-p aluminiumik aatsitsiviliornissamut pilersaarutaa pillugu Maniitsumi innuttaasunik ataatsimiissitsipput ippassaq ataasinngormat.

Innuttaasunik ataatsimissitsinermi aluminiup nunarsuaq tamakkerlugu niuerutiginissaanut inissisimaneq Alcoa-mit saqqummiunneqarpoq. Ukiut 2008 – 2015 ingerlanerini aluminiup akia 47 procentinik appariarsimavoq, maannakkullu niueqatigiinneq eqqarsaatigalugu aluminiumik aatsitsiviliornissaq erngullu nukinganik nukissiorfiliornissat ukiuni aggersuni qanoq pisussaaneri neriunarfigineqarsinnaanngitsutut oqaatigineqarput.

Powered by Labrador CMS