aalisarnermik isumasioqatigiinneq
Naalakkersuisup aalisakkat sinnikui atorluarniarpai
Aalisarnermut Naalakkersuisoq Karl-Kristian Kruse (S) ulluni makkunani aalisarneq pillugu isumasioqatigiinnermi peqataavoq. Suleqatigiissitaliap aalisarnermi aalisakkat sinnikuisa annertussusaat misissussavaat
Ulluni makkunani Kangaamiuni aalisarneq pillugu isumasioqatigiittoqarpoq.
Nunaqarfiup siulersuisui, isumasioqatigiinnermik aaqqissuussisut, isumasioqatigiinnermi arlalinnik saqqummiussisoqarput. Oqalugiartut ilagaat aalisarnermut Naalakkersuisoq Karl-Kristian Kruse (S).
Suleqatigiissitaliorpoq
– Aalisakkanik tunisassiornermi aalisakkat sinnikuisa atorluarnissaannut tunngavissaqarnersoq Naalakkersuisoq soqutigisaraat, namminersorlutik oqartussat naapertorlugit isumasioqatigiinneq sioqqullugu Naalakkersuisunut ilaasortaq oqarpoq.
Taassuma erseqqissarpaa Naalakkersuisut suleqatigiissitaliuleruttortut, naalakkersuisoqarfinnit attuumassuteqartunit aalisarnermillu ingerlatsisunit ilaasortalimmik. Suleqatigiissitaliap aalisarnermit aalisakkat sinnikuisa annertussusaat misissussavaa.
Qeqqussanik tunisassiorneq
– Tunisassiornikkut nutarterinissamut suut periarfissaanersut misissorneqassaaq aammalu misissorneqassalluni inatsisitigut qanoq isilluni sinaakkutassanik pitsaanerusunik pilersitsisoqarsinnaanersoq. Siunertaavoq inuussutissarsiortut ersarissumik takutissallugit aalisakkat sinnikuisa atorneqarnissaannut ilimanartoqarnersoq, Karl-Kristian Kruse tikkuaavoq.
Naalakkersuisunut ilaasortap ilaatigut erseqqissarpaa qeqqussat nerisassanut akuutitut atortarnerat Nunatsinni nunanilu avannarlerni soqutigineqaleraluttuinnartoq.
– Issittup qeqquaanik tunisassiorneq periarfissaavoq nalissaqanngitsoq, Kalaallit Nunaanni aalisarnermut piniarnermullu tapertatut Kalaallit Nunaanni atorneqarsinnaasoq, Karl-Kristian Kruse oqarpoq.