uranimut akerliuneq
Naalakkersuisunut unnerluussut politiit itigartippaat
Uranimut akuersaanngilluinnarnerup atorunnaarsinneqarneranut atatillugu uranimut akerliusup Folketingi Naalakkersuisullu politiinut unnerluussutigaat
Kalaallit Nunaata uranimut akuersaanngilluinnarnerup atorunnaarsitsineranik akerliusup Falke Thue Mikaelsenip unnerluussutaa sapaatip akunnerani kingullermi Politimestereqarfimmit itigartinneqarpoq.
Falke The Mikaelsenip qaammammi kingullermi Folketingi Naalakkersuisullu Narsami politiinut unnerluutigai, ilaatigut nunat tamalaat inuit pisinnaatitaaffiinik unioqqutitsisutut, ilaatigullu pinerluttulerinermut inatsimmik unioqqutitsisutut.
Uranimut akerliusup unnerluussunni ilaatigut tunngavilersimavaa akuersaanngilluinnarnerup atorunnaarsinneqarnera, Falke Thue Mikaelsenip oqarneratut, pisimammat ´inuiannik salloqittaanikkut´ kiisalu ´Siumup eqqunngitsunik tunngaveqarluni uppernanngitsumik politikeqarneratigut´.
Politikkiuvoq
Politimestereqarfimmi unnerluussisuunerup Morten Nielsenip itigartitsineq tunngavilerpaa, uranimut akuersaanngilluinnarnermik apeqqut politikkimut tunngassuteqartoq, taamaattumillu politiit susassarinngikkaat.