Polar Seafood
Naalakkersuisumit nersualaarneqarluartoq
Suliffeqarfissuup 'angusaannut pitsaanerpaanut' tunngatillugu, inuiaqatigiinnilu kalaallini suliffissatigut nunattalu karsianut tunniussaanut iluarisimaarinnittorujussuunertik takutippaat
Nunatsinni suliffeqarfiit namminersortut annersaata, Polar Seafoodip, 2015 akileraannginnermi 335 millionit koruuninik sinneqartoornini qanittukkut saqqummiuppaa.
Tamanna angusaq 2014-imit 100 millionit koruuninik annertuneruvoq. Polar Seafood aamma Nunatsinni pisortat aningaasaateqarfiinut toqqaannartumik 316 millionit koruuninik tapeeqataavoq.
Atuaruk: Polar Seafoodip sinneqartoorutini 100 millionit koruuninik annertusivaa
Annertuumik isumalluarneq
Angusat taakku pitsaasut tunngavigalugit, inuussutissarsiornermut, suliffeqarnermut niuernermullu naalakkersuisoq, Vittus Qujaukitsoq (S), Polar Seafoodimut pilluaqqusivoq.
Taassuma suliffeqarfissuup 'angusaannut pitsaanerpaanut' tunngatillugu, inuiaqatigiinnilu kalaallini suliffissatigut nunattalu karsianut tunniussaanut iluarisimaarinnittorujussuunini oqaatigaa.
Taannalu Polar Seafoodip 2016-imi ingerlatsinermini aamma naatsorsuutigisaanut tunngatillugu isumalluarpoq.
Atuaruk: Polar Seafood Islandermiunit tiguarneqalinnginnerarpoq