aatsitassat
Naalakkersuisoqatigiit uran pillugu apeqqut pinngitsoorsinnaavaat
IA, Partii Naleraq aamma Siumut uranip piiarneqarnissaa pillugu immaqa isumaqatigiinngittariaarupput. Tassami apeqqut akerlerinartoq pillugu aatsaat qinersinermi tullermi isummertoqariataannaavoq
Piaaraluni piaarinaniluunniit naalakkersuisoqatigiilersut uranip piiarneqarnissaa pillugu isumaqatigiinnginnerminni qinigaaffiup naanissaanut eqqissisimarnissartik qulakkeersinnaavaat.
Naalakkersuisoqatigiinnissamik isumaqatigiissummi IA-p, Partii Naleqqap aamma Siumup apeqqummi isumaqatigiinngitsorujussuusinnaagaluarput, kisianni uranimik aamma aatsitassanik allanik radiop qinngorneranik ulorianartortalinnik piiaanissat pilugit qinnuteqaatit nutaat oqallisigineqarlernissaasa tungaanut sammisaq kinguartinneqarsinnaavoq.
Nillinngitsut
Isumaqatigiissut taanna Múte B. Egedep, IA, naalakkersuisoqatigiit nikineranni tupaallannartumik aatsitassanut naalakkersuisunngortup ilumoorfigisimavaa. Taassuma parteeqataata Sara Olsvigip uranimut naaggaarnini aamma nipikillivaa, naak IA-mi siunniussaq attakkaluarlugu, ilaatigut Weekendavisenimut. Siumumi naalakkersuisut apeqqut pillugu nillinngilluinnarput.
Eqqissisimaneq tamanna qinersinissap tulissaata tungaanut attanneqarsinnasoq paasinarsisinnaavoq. Greenland Minerals and Energyp Kuannersuarni aallatinnissaminut inaarutaasumik qinnuteqaataa qangali tunniunneqartussaagaluarpoq, kisianni kinguarsarneqartuarsinnarpoq, taamaannerani Namminersorlutik Oqartussat ilaatigut VM aamma VSB pillugit nalunaarusiassatut siunnersuutit atuarpaat oqaluuseralugillu.
Atuaruk: Múte Bourup Egede sangujoraartoq
Qineqqusaarutigineqarsinnaasoq
Namminersorlutik Oqartussat naammginninngippata aamma 2017-ip affaani siullermi qinnuteqaammik pisortatigoortumik nassitsinissaat akuerissappatigit kalaallit qinerseqqinnginneranni taanna annertunerusumik annikinnerusumilluunniit suliarissallugu ajornassaaq.
Tassami tuninniunneqarneranniit pisortatigoortumik Naalakkersuisunut nassiussinissamik tungaanut piffissaq sivisooq aatsaat aqqutigeqqaarlugu soorlu tusarniaanerit, piviusunik suliarinninnerit, akitsuutit pillugit isumaqatiginninniarnerit aamma IBA pillugu isumaqatiginninniarnerit, ukioq ataaseq sinnerlugu sivisussagatinneqartut, aqqutigeqqaartussaavaat.
Aamma kingusinnerpaamik 2018-imi novembarimi qinersisoqarnissaa nalunaarutigineqartussaammat uran pillugu apeqqut kinguartinneqariaannaavoq qineqqusaarutigineqalerlunilu.
Atuaruk: Urani suli akerleriissutaaqaaq
Allaaserisaq tamaat AG-mi uani sapaatip-akunnerani saqqummertumi atuaruk, taanna ullumi pisiniarfinni pisiassaalerpoq. Aviisi uani pisiarinissaanut aamma periarfissaqarputit: