aatsitassat
Naalakkersuisoqarfiup GME sioorasaaraa
Australiamiut aatsitassarsiorfiata Kinamiut suliffeqarfiutaanut Shenghemut immaqa Kuannersuarni piiaavimmi tamakkiisumik aqutsisinnaalersussamut suliami allagaatit tamaasa takutikkusunngilai
Piiaanissamut akuersissummik qinnuteqaat suliarineqassappat kalaallinik oqartussaasunik ammasumik suleqateqarnissaq pisariaqarpoq.
Australiamiut aatsitassarsioqatigiiffiata Kinamit Shenghemik isumaqatigiissutip assilinera pisortanut tunniukkusunngereeraallu, Aatsitassanut Naalakkersuisoqarfimmit Greenland Minerals and Energymut (GME) oqariartuutip qiterisaa taama nipeqarpoq.
Atuaruk: Kiinamiut GME-mik tigusinissaat akuersissummik pisariaqartitsivoq
60 procentiata pisiarinissaanut periarfissaq
Taanna soqutiginarsisimavoq GME’p Shenghellu oqariartuutaasa pingaarutilikkut assigiinnginnerisigut.
GME naapertorlugu Kinamiut suliffeqarfiup 12 ½ procentia pisiaraat. Shenghemilli tusagassiuutinut nalunaarutaa Kinamiut oqaasii mandarinit atorlugit allassimasoq naapertorlugu tamatuma saniatigut GME’p taamaalillunilu Kuannersuarni suliniutip 60 procentiata pisiarinissaanut periarfissaqalerput.
Piginnittut nikinneri taamaattut Naalakkersuisunit akuerineqartussaapput minnerunngitsumik Kalaallit Nunaata kujataani suliniutinut annertuunut suliamut atatillugu tassanili aatsitassanik pingaarutilinnik uranimik aatsitassanillu qaqutigoortunik tunisassiortoqartussaavoq. Tassani naalagaffeeqatigiinni suleqatigiit aamma uissuummissajunnarsipput Kinamiut suliffeqarfiutaasa ilaat ilaannakuusumik naalagaaffimmit pigineqartoq pingaarnertut piginnittunngoriasaassappat.
Naliliisinnaasariaqartut
- Nalilersinnaasariaqarparput toqqaannartumik toqqaannanngitsumilluunniit tunniussinerunersoq tassalu akuersissut allanit pigineqalerluni imaluunniit suliffeqarfiup akuersissuteqarfiusup piginnittaani allanngortoqarnersoq. Pisariillisalaarlugu imaappoq suliffeqarfimmi tunuliaqutaasumi aalajangiisuulluni inisisimasoq allanngorpat, Aatsitassanut Naalakkersuisoqarfimmi pisortaq Jørgen Hammeken-Holm oqarpoq.
Erseqqissarpaa imaanngimmat Naalakkersuisut piginnittut nikissinnaanerat siumoortumik akuerissagaat assersuutigalugu Shenghep oqariartuutaa eqqortuuppat Kinamiullu suliffeqaffiutaata GME’p 60 procentia pisiarisinnaallugu ullup ataatsip ingerlanerani pissutsit aalajangersimasut malinneqarsimassappata.
Allaaserisaq tamaat AG-mi uani sapaatip-akunnerani saqqummertumi atuaruk. Aviisi uani aamma pisiarisinnaavat: