soraarniuteqarneq

Naalakkersuisoqarfimmi pisortaanermik soraartoqaqqittoq

Peqqissutsimut Attaveqarnermullu Naalakersuisoqarfik nutaamik pisortartaassaaq

Peqqissutsimut Attaveqarnermullu Naalakersuisoqarfimmi pisortaaneq, Ann Birkekjær Kjeldsen soraarniuteqarpoq. Assimi peqqissutsimut attaveqarnermullu naalakkersuisoq Steen Lynge Atassut sanianiippoq

Søren Stach Nielsen Pinngortitamut Avatangiisinullu Naalakkersuisoqarfimmi pisortatut qaammatit aqqanillit sulereerluni una qaammammi soraanniuteqarpoq, Naalakkersuisoqarfimmilu pisortamik soraartoqaqqissasoq Namminersorlutik Oqartussat tusagassiutinut nalunaaruteqarpoq.

Peqqissutsimut Attaveqarnermullu Naalakersuisoqarfimmi pisortaaneq, Ann Birkekjær Kjeldsenip, septembarip naalernerani atuutilersussaq, soraarniutini ulloq 22. maj tunniussimavaa.

Ann Birkekær Kjeldsen soraarniuteqarnerminut atatillugu oqarpoq, piffissami sivisujaami eqqarsaatigereerlugu, nutaanik misilitaqarusunnini kissaatigigamiuk soraarniuteqarnissani aalajangiussimallugu. Ann Birkekær Kjeldsen ukiuni 25-ni pisortani atorfeqarsimavoq, siullermik Namminersornerullutik Oqartussani, kingusinnerusukkullu Namminersorlutik Oqartussani, kingullertigullu naalakkersuisoqarfimmi pisortatut.

- Naalakkersuisoqarfinni pisortaqatigiit sinnerlugit Ann Birkekjær Kjeldsen suleqatigiilluarsimanitsinnut qujaffigerusuppara, Naalakkersuisut Siulittaasuata Naalakkersuisoqarfiani pisortaaneq Svend Hardenberg oqarpoq.

Naalakkersuisoqarfimmi pisortamik nutaamik toqqaasoqarnissaata tungaanut Julie Præst Wilche naalakkersuisoqarfimmi pisortaanerugallassaaq.

Powered by Labrador CMS