Naalakkersuisoqarfik: USA-p aningaasaliiniarnera ilisimaneqanngilaq
Nunanut Allanut Naalakkersuisoqarfiup ilisimatitsissutigaa "USA Kunngeqarfimmut ersarissumik suli ilisimatitsissutiginngikkaa Kalaallit Nunaanni sumi mittarfinnut aningaasaliissanerlutik imaluunniit qanoq annertutigisumik aningaasaliissanerlutik".
Annonse
Ilulissani mittarfiup 2.800 miiterinut takissuseqalersissallugu USA 1 milliaardit koruuninik aningaasaliinissaminut piareersimasoq, aviisi Sermitsiaq aamma nittartagaq Sermtsiaq.ag tusarfinnik ilisimasaqarluartunik tunngaveqartumik allaaserinnereersullu, Naalakkersuisoqarfik taama nalunaaruteqarpoq.
- Siusinnerusukkut Nunanut Allanut Naalakkersuisoqarfiup tusagassiorfinnut ilisimatitsissutigaa, amerikamiut mittarfitsigut attaveqaasersuutinut aningaasaliissuteqarsinnaanermut periarfissarsiornerinut tunngatillugu Kalaallit Nunaata Danmarkillu USA attaveqarfeqarfigisarsimagaat. Tamakkua tamarmik illersornissaq pillugu suleqatigiinnermut tunngaviusut Permanent Committeemik taaneqartartup iluaniipput, naalakkersuisoqarfik nalunaaruteqarpoq.