Familie og Ligestilling

Naalakkersuisoq qallunaat ministeriannik ataatsimeeqateqartoq

Martha Lund Olsen aamma Ellen Trane Nørby, meeqqanut, ilinniartitaanermut naligiissitaanermullu ministeriusoq, akunnerminni paasissutissanik ingerlatitseqqipput, marluullutillu unammilligassanik iliuuseqaatinillu ilisimatitseqatigiillutik

laqutariinnermut, naligiissitaanermut isumaginninnermullu naalakkersuisup Martha Lund Olsenip (S) siullermeersumik Danmarkimi meeqqanut, ilinniartitaanermut naligiissitaanermullu ministeri Ellen Trane Nørby (V) ataatsimeeqatigaa

Ilaqutariinnermut, naligiissitaanermut isumaginninnermullu naalakkersuisup Martha Lund Olsenip (S) siullermeersumik Danmarkimi meeqqanut, ilinniartitaanermut naligiissitaanermullu ministeri Ellen Trane Nørby (V) ataatsimeeqatigaa.

Tamanna marlunngornermi Folketingimi pivoq, Namminersorlutik Oqartussat ilisimatitsipput.

Atuaruk: Nunarput arnanik naligiissitsinermut nalilerneqassaaq

Nunatsinnut nersualaarisoq
Taakku akunnerminni paasissutissanik ingerlatitseqqipput, marluullutillu unammilligassanik iliuuseqaatinillu ilisimatitseqatigiillutik. Ilaatigut aamma najugaqarfinni arnat angutillu naligiinngitsumik amerlassuseqaleriartornerat aammalu qanigisariit akornanni annersaasarnerit eqqartuiffigineqarlutik.

Ellen Trane Nørby nunatsinni politikkikkut ataavartumik siunnerfeqartumillu iliuuseqarniarsimanerat nersualaarinnissutigivaa aammalu Nuummi suiaassuseq, ilinniartitaaneq innuttaasullu nikikkiartornerat pillugit Nunani Avannarlerni isumasioqatigiissitsinerup piareersarneqarluarsimanera nersualaarinnissutigalugu.

Ilanngullugu qallunaat ministeriata oqaluttuarivaa Nunani Avannarlerni suleqatigiinnikkut nuanniilliortitsisarneq iliuuseqarfiginiarneqalersimammat, tamatumanilu nammineerluni ‘inuiaqatigiinni periutsit ineriartornerat’ immikkut isiginiagarinerarlugu. Tamannami aamma Europami aalassatsitserujussuarluni pisut pisariaqartilermassuk.

Nunanik avannarlernik suleqateqarneq
Martha Lund Olsenip ilaatigut oqaluttuarivaa Nunatsinni nuanniilliortitsisarneq aammalu aappariilerlaat akornanni annersaasoqartarnera suliniuteqarfigineqalereersimammat, ilaatigullu tamanna Naligiissitaanermut Siunnersuisoqatigiit nunatsinni sulinerannut ilaatinneqarmat, neriuutigineqarlunilu taamaasilluni nunarput Nunani Avannarlerni suliniuteqarnermut ilapittuuteqarsinnaajumaartoq.

- Nuannaarutigeqaara Danmarkimi suleqatigisannik naapeqateqarsinnaasimanera aammalu takutissinnaagatsigu Nunatsinnit tigussaassunik ilisimatitsisinnaalluta, tulluusimaarutiginngitsoorsinnaanngilara naalakkersuisoqarfimma naligiissitaanerup aqqani annertuumik suliniuteqarsimanera taamak nersualaarneqartigisinnaammat, Martha Lund Olsen ataatsimiinnerup kingorna oqarpoq.

Powered by Labrador CMS