Naalakkersuisut
Naalakkersuisooqatigiit Namminersorlutik Oqartussanik sukkatsisaapput
Qinigaaffimmi matumani akisussaaffeqarfiit pingasut Danmarkip naalagaaffianit Kalaallit Nunaanni Namminersorlutik Oqartussanut nuunneqassapput
Oqaatigineqartoq: Kalaallit Nunaanni Namminersorneq eqqunneqarsimanngisaannarpoq.
Aap, 2008-mi novembarip ulluisa 25-anni qinersisartut amerlanersaasa Namminersulernissaq akueralugu taasissutigaat.
Aap, 2009-mi juunip ulluisa 21-anni erfalasut amuneqarput.
Aap, 2010-mi januaarip ulluisa aallaqqaataanni aatsitassanut oqartussaaffik Namminersorlutik Oqartussanit tiguneqarpoq.
Kisiannili taava Namminersorneq unittoorpoq.
Namminersorneq pillugu inatsit akisussaaffeqarfinnik 32-it sinnerlugit amerlassusilinnik imaqarpoq, tamakkulu Namminersorlutik Oqartussat Danmarkip naalagaaffianit tigusussaavaat, kisianni aatsitassanut akisussaaffeqarfik eqqaassanngikkaanni inatsisip imarisaaniittut amerlanersaat Namminersorlutik Oqartussanit suli tiguneqanngillat.
Atuaruk: D: Susassaqarfiit sooq taama amerlatigippat?
Aningaasanik aporfeqarput
Tigusinissanut nukingertoqannginnera siullermik Kalaallit Nunaat aningaasatigut allaffissornikkullu sillimmataatinut oqartussaannginneranik pissuteqarpoq. Namminersornerullutik Oqartussatuunngitsoq, taamani akisussaaffinnik ataasiakkaanik tigusinerit tamarmik ataatsimoortumik tapiissutinik malitseqartinneqartarput, Kalaallit Nunaata akisussaaffeqarfiit siunissami tiguneqarumaartussat nammineq akilertussaassavai.
Atuaruk: Kim Kielsen: Tunuliaqutikka eqqissisimassapput
Susassaqarfiit tigorusuppaat
Professorip Minik Rosingip nalunaarusiami 'Kalaallit Nunaannut Iluaqutaaneroqqullugu'-mi Namminersorlutik Oqartussat allattugaataanni akisussaaffeqarfiit tamaasa tigussagaanni 800 millioner koruuninik akeqassasoq oqarpoq.
Naalakkesuisooqatigiissimasut Siumut, Atassut aamma Demokraatit 2014-2016-imi inuussutissanik nakkutilliineq kisiat tigorusullugu kissaateqarput, uffa Naalakkersuisooqatigiilersut Siumut, Inuit Ataqatigiit aamma Partii Naleqqap 2016-2018-imi aamma tigusassatut kissaatigisatut allattukkaminni nunani allamiut silaannakkullu angallassisarnerit pillugit oqartussaaffiit tigorusukkaat.
Atuaruk: Oqaluttuarisaanermi naalakkersuisooqatigiit siammasinnerpaat Kielsenip pilerseriaraluarpai
Allaaserisaq tamaat Sermitsiami saqqummertumi kingullermi atuaruk: