Friday, September 29, 2017 - 14:18

Naalagaaffiit Peqatigiit misissuiniarnerat Vittusip nuannaarutigaa

Assi.: Walter Turnowsky
Naalagaaffiit Peqatigiinninngaanniit immikkut misissuisartoq, Kalaallit Nunaanut eqqakkat toqunartulinnik misissuiartortinneqarpoq.

Naalagaaffiit Peqatigiinni inuit pisinnaatitaaffiannik eqqagassanik navianaatilinnik misissuisartoq sapaatip-akunnerata tulliani Kalaallit Nunaat tikeraassavaa.

Det var blandt andet den instans, som Vittus Qujaukitsoq i sin funktion som naalakkersuisoq for udenrigsanliggender i foråret havde sendt en klage til.

AAMMA ATUARUK: FN-p Kalaaallit Nunaani Danmarkimilu eqqakkat toqunartunik akullit qanoq suliarineqartarnerat misissuiffigaat

Maalaarut

Maalaaruteqarnermini amerikamiut sakkutooqarfiini eqqakkat pillugit, Danmarki inuit pisinnaatitaaffiannik unioqqutitsisimanerarlugu pisuutippaa.

Taamaammat Naalagaaffiit Peqatigiit, amerikamiut sakkutooqarfigisimasaannik eqqakkanik toqunartulinnit suliaqarnerup misissuiffigineqarnialernera, qilanaarivaa.

- Nuannaarutigeqaara, Naalagaaffiit Peqatigiit suliaq misissuiffiginialermassuk, Vittus Qujakitsoq Sermitsiaq.AG-mut oqarpoq.

Taamaatikkuminaatsoq

Naalakkersuisullu Naalagaaffiit Peqatigiiffinnut maalaaruteqarneq taamaatissimavaat, oqaatigereersimasatsituulli, taamatut maalaaruteqarneq imaasiallaannaq taamaatinneqarsinnaanngilaq. Immikkummi misissuisartoq nammineq suliamik misissuinissaminik pisussaaffeqarpoq.

AAMMA ATUARUK: Suka: Naalagaaffiit Peqatigiivinut maalaaruteqarnissaq tunngavissaqanngitsoq

Immikkut misissuisartoq, Baskut Tuncak, nunat assigiinngitsut eqqakkanik toqunartulinnik inuit pisinnaatitaaffiannik unioqqutitsisoqannginnersoq misissuisartuuvoq.

Taanna Naalagaaffeqatigiinnermi suleriaaseq misissuiffiginerussavaa, tusagassiuutinullu nalunaarummi erseqqissaatigaa Kalaallit Nunaat immikkut samminiarlugu.

Vittus Qujaukitsoq naliliivoq, taamatut immikkut sammisaqarniarneq maalaarutaata pilersissimangaa.

- Suna alla peqqutaasinnaanersoq naluara, taanna Sermitsiaq.AG-mut oqarpoq

Baskut Tuncak Kalaallit Nunaaniinnermini oqartussanik, inuiaqatigiinnut inuussutissarsiornermullu aallartitanik naapitaqassaaq. Sakkutooqarfinni eqqakkat saniatigut piiaavinni attuumassutillit aamma misissuiffigissavai.

AAMMA ATUARUK: FN-mut maalaarutit taamaatikkuminaatsut

- Pingaaruteqarluinnarpoq, kalaallit tugaanniit Naalagaaffiit Peqatigiit misissuitinneqarnissaat. Sakkutooqarfinni eqqakkanik suleriaaserineqarsimasoq paasiniaavigissavarput, tamannami ukiuni arlalinngortuni isertuunneqarsimavoq, Vittus Qujakitsoq oqarpoq.

Immikkut misissuisartup inerniliussani 13. oktober saqqummiutissavai.

Seneste nyheder / Nutaarsiassat kingulliit