Qalasersuaq
Naalagaaffeqatigiit Qalasersuarmi upalungaarsimasussanik pilersitsipput
Kunngeqarfik immikkuullarissumik atajuartussamik upalungaarsimasunik pilersitsivoq, tassani nunat soorlu Ruslanditut imaluunniit Canadatut ittut paasissutissanik issittumi sumiiffinni danskit piumasaqaataannik unammillernarsinnaasunik peqalerpata akinissaminnut piareersimasussanik - tassa nunap toqqavianik pilersaarusiamut tunngasumik. Taama Arktisk Nyt allaaserisaqarpoq.
Naalagaaffeqatigiit Rusland imaluunniit Canada sumiiffinnik Qalasersuup eqqaaniittunik naalagaaffeqatigiit aamma piumasaqarfigisinnaasaanik arlaatigut piumasaqassappata sukkasuumik qisuariarsinnaasunik upalungaarsimasussanik pilersitseqqammerput. Arktisk Nyt taamak allaaserisaqarpoq.
Upalungaarsimasussat naalagaaffeqatigiinnermi nalunaajaammi Lars Løkke Rasmussenip (V) poorskinngitsiartoq saqqummiussaani aalajangersakkaneersuupput.
- 2017-imi paasissutissanik, paasissutissanillu nutaanik aammalu isumaliutissiissutinik annertusaanermi nukittorsaanermilu aammalu nunat allat CLCS (FN-ip nunap toqqavianut tunngatillugu ataatsimiititaliarsua aaqq.) malillugu innersuussaannik nalilersuinermi kiisalu kunngeqarfimmut arlaatigut kinguneqartussanut tunngasunut upalungaarsimasussanik ataannartussanik pilersitsisoqarpoq.
Siorna aggustimi kalaallit/danskit aallartitaasa FN-ip nunap toqqavianut tunngatillugu ataatsimiititaliarsuanut piumasaqaataat pisortatigoortut tunniuppaat, tassanilu naalagaaffeqatigiinnermi Qalasersuup piumasaqarfiginissaa ilaavoq.
Taamaattorli piumasaqaatit taakku qaleriipput ingammik russit piumasaqaataannut tunngasut.