naalagaaffeqatigiinneq
Naalagaaffeqatigiinni naalakkersuisut ataatsimiinnissaagaluat taamaatinneqartoq
Savalimmiuni qinersisoqartussaanera pissutigalugu Naalagaaffeqatigiinnermi naalakkersuisut ataatsimiinnissaraluat taamaatinneqarpoq
Naalagaaffeqatigiinni naalakkersuisut Qeqertarsuatsiaani ataatsimiinnissaraluat taamaatinneqanngikkuni kinguartinneqalerunarpoq.
Savalimmiuni qinersisoqartussaanera pissutaalluni tamanna aalajangerneqarpoq.
Tamanna Naalakkersuisunit aamma oqaatigineqarpoq.
Naalakkersuisut siulittaasuata naalakkersuisoqarfiani pisortap KNR-imut tamanna oqaatigaa.
- Lagmandi Savalimmiuni qinersisoqarnissaa pissutigalugu peqataasinnaanngitsoq nalunaarput, Naalakkersuisut siulittaasoqarfianni pisortaq, Søren Hald Møller oqarpoq.
Kinguartinneqassagunartoq
Naalakkersuisut siulittaasuata Kim Kielsenip rubinisiorfimmi Aappaluttumi ataatsimeeqatigeereernerup kingorna ornitassaraluaminnut tassa Qeqertarsuatsiaanut, sapaatip akunnera kingulleq tikeraarpoq.
Savalimmiuni qinersisoqareeriarpat ataatsimiittoqassanersoq aalangangiunneqarumaarpoq.
Tamanna Savalimmiuni qinersisoqareeriarpat isummerfigineqarumaartoq Naalakkersuisoqarfiup siulittaasuata KNR-imut oqaatigaa.