Skip to main content

Naalagaaffeqatigiinneq: Bertel Haarderip 'naalagaasutut eqqarsartarneq' atorunnaarsikkusuppaa

Naalagaaffeqatigiinnermi tunngaviusumik atassuteqaatit Bertel Haarderip allanngortikkusuppai, naligiimmik suleqatigiittoqalersillugu. Tunngaviusumik inatsit aporfiusariaqanngilaq, taanna isumaqarpoq.

Danskit nalussusaat sianiissusaallu Naalagaaffeqatigiinnermut ulorianartorsiutit annersaraat. Venstremi naalakkersuinnikkut misilittagartooq Bertel Haarder taama isumaqarpoq, taanna Nauja Lyngep atuakkiaanut saqqummertussamut ‘Jeg er Nauja’-mut siuleqummik allassimavoq.

LÆS OGSÅ: Oqallinneq: Nauja Lynge: - Isummatsinnit pitsaannginnerusumik ingerlavugut

Bertel Haarder Naalagaaffeqatigiinnermik tapersersuisuulluinnarpoq, kisianni danskit eqqunngitsumik isummiussereertarnerat, oqariartarnermikkut tunngavimmik ajoqusiilertut taanna isumaqarpoq.

- Qallunaat amerlavallaat naalagaaffeqatigiinnissamut tulluanngillat. Tamanna ajuallaatigisarpara. Nammatassaanngilaq. Sianiissuserlu Folketingimut eqqunneqaraangat akerliliisarpunga, taamma siuleqummi allappoq.

Naalagaaffeqatigiinneq ilungersuutiginiaraa

Taanna ilaatigut atuakkami pisumut issuaavoq, Savalimmiuni innaallagiaqarnersoq, savalimmiormioq aperineqarsimavoq.

- Sianiippasissumik taamatut oqartarnerit anneruniarnermut takussutissaapput, aap, naalagaaniarnertut eqqarsarnermut takussutissaapput, Bertel Haarder Sermitsiaq.AG-mut oqarpoq.

Naalagaaffeqatigiiffiup attanneqarnissaa ilungersuuttariaqartoq, taanna isumaqarpoq. Taassumali isaanik, taakku naalagaaffiup immikkoortui pingasut naligiimmik pineqarnissaannik naqissusiisoqarnissamut piumasaqaateqarpoq, Tunngaviusumik inatsisip tamanna pillugu qanoq isumaqarnera apeqqutaatinnagu.

- Naalagaaffeqatigiinnermut ataatsimut iliuuseqaqatigiinneq, danskit paasinninnerannik aallartinneqassaaq, taanna isumaqarpoq.

Kajumissutsimik naligiimmik suleqatigiinneq

Nalunaarusiornermik suliaqartoqarnissaa taassuma siunnersuutigaa, tassani Naalagaaffeqatigiinneq sutigut atassuteqarnersoq atuarneqarsinnaassaaq.

- Naalagaaffeqatigiinneq nunat pingasut, inuiaat pingasut ataatsimoorlutik suliassanik aaqqiissuteqarnissartik aalajangiussimagaat ersarissumik atuarneqarsinnaassaaq, taanna oqarpoq. 

Tassani kajumissutsimik ataatsimoortoqarnerata atuarneqarsinnaanissaa pingaaruteqartoq, Bertel Haarder naqissusiivoq. Danmarkip allat taakku marluk qangatut aalajangiiffigisarneratut aallaveqarunnaartariaqarpoq. Tunngaviusumik inatsisip taamatut aaqqissuussaanera nassuerutigaa, kisianni tamanna isigineqarniartariaqanngitsoq isumaqarpoq.

- Tunngaviusumik inatsit allanngortereersimasuusaartariaqarparput, danskillu tungaannit kalaallit savalimmiormiullu soqutigisaannut pisariaqartunut eqqarsaatiginnittariaqarpugut.

Tamanna naligiinneq arlaanni Tunngaviusumik inatsimmut ilanngunneqartariaqarluarpoq. Bertel Haarderip oqarnera naapertorlugu, taamatut sulinerup danskit Kalaallit Nunaannik aamma Savalimmiunik isiginnittariaasiannut nikisitsissagaluarpoq.

- Nalunaarummik taamaattumik sulineq inuppalaartumik aallaaveqaruni, nikanginnilluni pissusilersortarnermik annertuumik tamanna nungutsitsisinnaasoq isumaqarpoq.

Kajumissuseq nutaamik ataatsimoorfeqalersitsissaaq

Nalunaarutip taama ittup Naalagaaffeqatigiinneq atatissinnaagaa, saniatigut taama isumaqarpoq.

- Taamatut nalunaarusiornermi Kalaallit Nunaata aamma Savalimmiut peqataassanerlutik aalajangersinnaavaat, kisianni aamma ataatsimoornerup qimassinnaaneranik ataqqinninnerussalluni. Namminiilivinnerup ataqqineqarnissaa inunnut pingaaruteqartoq, Savalimmiuni oqaloqateqartarninnit ilisimavara.

- Tamatuma kalaallit naalagaaffeqatigiiffimmiiginnarnissaannik isumaqalersissinnaagai aamma isumaqarpit?

- Aap, taamatut isumaqarpunga.

Qinersinissap nalunaarutigineqarnissaa sioqqullugu Bertel Haarderimik apersuineq pivoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER