qimmit nappaataat
Naajaani qimmit sakkortuumik nappaataannik pasitsaassineq
Upernaviup nunaqarfiisa ilaanni Naajaani qimmit arfineq marluk toqusimapput, nappaallu tuniluuttuusinnaallunilu aarlerinartorsiortitsisinnaavoq. Nappaat pillugu nunamut immikkoortumut tassunga tassanngalu qimussinik qamuteralannillu motoorilikkanik angallattoqannginnissaanik UNIO kaammattuuteqarpoq.
Upernaviup nunaqarfiisa ilaanni Naajaani qimmit nappaataannik tuniluuttumik aarlerinartorsiortitsisisoqarpoq.
Qimmit qimuttut arlaqartut nappaammik tuniluuttumik takussutissaqarput, qimmillu arfineq marluk toqusimallutik.
Inuit tunillatsissimanerannik nalunaaruteqartoqanngitsoq
Paasissutissiineq tunuliaqutaralugu Uumasunut Nakorsaqarfiup Inuussutissalerinermullu Oqartussaqarfik (UNIO) naliliivoq nappaammik siammaasinnaaneq aarlerinarsisoq pisorlu pillugu qanimut malinnaasoqartoq.
Erniinnartumik ilimanaateqanngilaq nappaatip inunnut tuniluussinnaanissaa.
Nappaat pillugu nunamut immikkoortumut tassunga tassanngalu qimussinik qamuteralannillu motoorilikkanik angallattoqannginnissaanik kaammattuisoqarpoq. Piffissami matumani nunami immikkoortumi eqqugaaffiusumi paasisaqarnissap tungaanut qimminik kapuisoqassannginnissaa piumasarineqarpoq.
Saaffiginnissutit kissaatigineqarput
Innuttaasunit paasissutissat oqartussaasullu attuumassuteqartut suleqatiginerisigut UNIO paasissutissanik sapinngisamik amerlanerpaamik pissarsiniarluni suliniuteqarpoq, pisoq pillugu ersarissumik tunngavissiiumallutik.
Nunap ilaani pineqartumi qimmit pillugit nappaateqarnermik imaluunniit toqusimanermik paasissutissanik piaartumik paasisaqarusupput taamaasiornermikkut pisoq pillugu ingerlaavartumik malinnaajumallutik.
UNIO saaffigineqarsinnaavoq email uumasut@nanoq.gl imaluunniit oqarasuaat +299 34 50 00
Pisoq pillugu qanoq iliornissamut siunnersuutit Naalakkersuisut nittartagaanni uani atuarneqarsinnaapput.
Man kan læse en række råd og anbefalinger om situationen på Naalakkersuisuts hjemmeside her.