inissiisarfiit
Naaja seqqartaatinik isornartorsiuisoqareersorlu: Malittarisassat sukangasuussapput
- Pinaveersaartitsilluni pissaanermut sakkuuvoq, Pinerluttunik Isumaginnittoqarfimmi pisortaq oqarpoq
Kalaallit Nunaanni Pinerluttunik Isumaginnittoqarfimmi pisortaq, Naaja Nathanielsen, inissiisarfiit qasilittumik seqqartaatilersorneqarnissaannut oqallinnermut atatillugu, taassuma qaqugukkut atorneqarnissaanut malittarisassat sukangasorujussuunissaat naqissuserpaa.
Atuaruk: Inissiisarfinni qasilittumik seqqartaat sakkoruneqalertoq
- Pisortat suliffeqarfii imaluunniit paaqqinnittarfii allat assigalugit, qaqugukkut pissaanermik atuisinnaanitsinnut inatsisit sukangasorujussuupput. Tamanna qajassuarnerpaamik pissaaq. Pisullu tamarmik nalunaarutigineqartassapput nalilersorneqartassallutillu, taanna naqissusiivoq.
Isornartorsiuineq
Inuit Pisinnaatitaaffii pillugit Kalaallit Nunaanni Siunnersuisoqatigiit, Justitsiministeriamit siunnersuutigineqartoq, inissiisarfinniittunut kamajasunut akiuussinnaajunnaarsitsilluni qasilittumik seqqartaasoqarsinnaanissaa isornartorsiorpaat.
Taamma pissaanermik atuissut assortuussutaasoq 2011-mili Danmarkimi atorneqalerpoq.
Ingasattajaarpasissinnaasoq
Naaja Nathanielsenip ilisimalluarpaa, qasilittumik seqqartaatit ingasattajaarpasissinnaasoq, kisianni taanna allanik periarfissaqartoqartinnagu taamaallaat atorneqarsinnaassaaq.
- Qasilittumik seqqartaat paarnaaqqasumiitinneqartassaaq, sakkortuumillu pisoqartillugu eqqissinaveertoqartillugu aatsaat atorneqartassalluni, aammalu inissiisarfinni nakkutilliisunut imaluunniit inissiisartunut allanut ulorianartorsiortoqartillugu atorneqarsinnaalluni, pisortaq erseqqissaavoq.
- Pinaveersaartitsinertut atuuteqassaaq, tassani inissiisarfimmiittut ilisimassavaa seqqartaat saqqummerneqarluni atorneqalersoq, aaqqiagiinnermullu taanna unitsitsinissamut periarfissaq kingulliusassaaq.
Piumaneqarnerusoq
- Naak pissaanermik atuineq ingasakkaluartoq, inissiisarfimmiittunut ingasattajaartunut timikkut nakuuserluni unitsitsiniaanermit piumaneqarneruvoq, Naaja Nathanielsen oqarpq.
Qasilittumik seqqartaammik atuisinnaanissamut siunnersuut pillugu AG-mi atuaqqigit