Skip to main content

Musikvideo takuuk: Meeqqat pitsaasumik inuuneqarnissaminnut pisinnaatitaaffeqarput

Nipilersortartoq Simon Lynge aamma meeqqat pisinnaatitaaffii pillugit sullissivik MIO suleqatigalugu erinarsuummik nutaamik saqqummersitsivoq

Kalaaleq nipilersortartoq Simon Lynge, albummiliani nutaaq 'The Map of Your Life' qanittukkut saqqummersippaa, maannalu musikvideomik nutaamik saqqummersitsivoq.

Meeqqat pisinnaatitaaffii pillugit sullissivik MIO peqatigalugu erinarsuut 'Corner Stone' saqqummersippaa, taanna meeqqat pitsaasumik inuuneqarnissaannut pisinnaatitaaffeqarnerannut tunngavoq.

- Erinarsuusiara nutaaq nuannaareqaara. Meeqqat toqqissisimanissamut illersorneqarnissamullu pisinnaatitaafii pillugit, aamma asanninneq tunngavigalugu qanoq ililluta siunissaannik pilersitseqataasinnaanersugut pillugu oqaluttuarpoq, Simon Lynge tusagassiuutinut nalunaarummi oqarpoq.

Neriuutit takorluukkallu
Meeqqat Illersuisuata Aviâja Egede Lyngep erinarsuut nutaaq usorsisimaarutigaa neriullunilu kikkut tamarmik nuannariumaaraat. 

- Meeqqat inuusuttullu siunissaq qaamasoq pillugu takorluugaqartarput. Inersimasunngorunik inuunertik qanoq issanersoq, sunngorusunnerlutik aamma qanoq ittunik ilaqutaqalerumaarnissartik pillugit takorluugaqartarput.

- Meeqqat takorluugaasa piviusunngortinnissaannut peqataassaagut, aamma pitsaasumik inuuneqarnissaannut tunngavik pilersissavarput – aamma qanorluunniit tunuliaqutaqaraluarunik, oqimaatsunillu atugaqarsimagaluarunilluunniit takorluugaasa piviusunngorsinnaanerat takutissavarput, Aviâja Egede Lynge oqarpoq.

Atuaruk: Simon Lynge nutaamik musikvideomik saqqummersitsisoq

Musikvideo uani takuuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER