Arctic Winter Games

Musikvideo takuuk: Arctic Winter Gamesip nipilersuutaa piareerpoq

Musikvideo januaarip naalernerani immiunneqarpoq, maannalu Youtubemi takuneqarsinnaalluni

Small Time Giants ip pisortaanik, Maliina Abelsenimik, tunuani talerpilleq, aamma borgmesteri Asii Chemnitz Narupimik assileqateqartut Arctic Winter Games

Arctic Winter Games 2016-ip nipilersuutaa oktoberimi saqqummiunneqarpoq, maannalu 'We Are The Arctic' Small Time Giantsikkunit atorneqartoq musikvideo saqqummerpoq.

Pingaartitat
Unammiuaarnerit pingaartitaat ataatsimoorneq, alapernaanneq aamma sapiissuseq nipilersukkap qulequtaraa, Miki Jensen, nipilersoqatigiinnit tusagassiuutinut nalunaarummi allappoq.

Musikvideo Ulannaq Ingermannimit Ujâvaaq Picturesimeersumit ilitsersuisuuffigineqarpoq, Pipaluk Lind ingerlatsisoralugu, Naleraq Eugenius setimik ilusilersuisoralugut aamma Tess Griffin killuisoralugu.

Inuit anersaavat
- Nipilersukkap qilaatinik pinnguarnerup, erinarsoqatigiinnerup aamma issittumi ataatsimoornermik ilisimanninnitsigut inuit anersaavat eqqorlugu isumaqarpugut, Miki Jensen oqarpoq.

- Mmusikvideo ataatsimoornermik aamma alapernaassusermik Arctic Winter Games sioqqullugu pilersitsisinnaasoq neriuppugut. Sapaatiuppaanissaanullu utaqqisinnaanngilluinnarpugut, Inussivimmilu ammaanersiornermi nuannisartitsinissamut periarfissinneqarpugut, taanna ilanngullugu oqarpoq.

Konfetti
Musikvideomik ilitsersuisup, Ulannaq Ingemannip, filminut nersornaammik 'Innersuarmik' pissarseqqammersup inernera naammagisimaarpaa.

- Musikvideo januaarip naanerani immiupparput. Small Time Giantsimik aamma Arctic Winter Gamesimik suleqateqarneq nuanneqaaq. Ingammik meeqqat, inuusuttut aamma utoqqaat konfettilerlugit immiunneri nuanneqaaq, taanna oqarpoq.

Small Time Giants marsip aqqarnanni Katuami tusarnaartitsissapput, tamanna nipilersoqatigiit Arctic Winter Gamesip nalaani tusarnaartitsineq sivisuut kisiartarissavaat.

Atuaruk: Arctic Winter Gamesip ilisarnaatitut erinarsuutaa tusarnaaruk

Allaaserisap ataani musikvideo takuuk

Powered by Labrador CMS