Friday, September 9, 2016 - 12:19

Musikvideo nutaaq sakkortooq

Small Time Giants musikvideomik saqqummersitseqqammerput
Assi.: Leiff Josefsen
Small Time Giantsip erinarsuummut 'No Excuses, Just Explanation'-imut musikvideo nutaaq saqqummiuteqqammerpaat

Nipilersoqatigiit Small Time Giants Qaqortumeersut musikvideomik nutaamik saqqummiussaqarput.

Erinarsuut 'No Excuses, Just Explanation' albummimi saqqummersitaannit 'Stethoscope'-meerpoq, taanna 2014-imi saqqummerpoq.

Video: Small Time Giantsikkut musikvideoliaat nutaaq takuuk

Kajumissaarneqanngitsumik tunissut
Video Nuummi eqqumiitsuliortunit Bolt Lamarimit suliarineqarpoq, taakkulu kajumissaarneqaratik musikvideo nipilersoqatigiinnut tunissutigaat.

Small Time Giantsikkut bassertuat, Jakob Skovaa, tusagassiuutinut nalunaarummi ilisimatitsivoq, nipilersoqatigiit eqqumiitsuliortunit musikvideomik nassinneqariasaarnertik annertuumik tupaallaataasoq.

- Erinarsuummut tassunga musikvideoliornissaq sivisuumik kissaatiginikuuarput, albummip nipilersuutaani sakkortuut rockiusullu ilagimmassuk, taannalu Tysklandimi appisimaarneqartorujussuunikuuvoq. Bolt Lamarikkut erinarsuut namminneerlutik nassuiaaserniarlugu aalajangersimapput, tassanilu aappariinni nakuuserneq assitigut oqaluttuartillugu saqqummiuppaat, taanna oqarpoq.

Musikvideo uani takuuk

Seneste nyheder / Nutaarsiassat kingulliit