Skip to main content

Muninneq: Kalaaleq atuakkiortoq tapiiffigineqartoq

Kalaaleq atuakkiortoq Statens Kunstfondimit suliamut tunngasumik tapiiffigineqarnissaminut siullermik itigartinneqaraluarsinnarluni maanna tapiiffineqarpoq.

Atuakkiortoq Niviaq Korneliussen Statens Kunstfondimit suliamut tunngasumik tapiiffigineqarnissaminut itigartinneqarmat, Aaja Chemnitz Larsen suliamut akuleruppoq paaserusullugu eqqumiitsuliat qallunaat eqqumiitsuliaannut qaqagukkut nallersuunneqarsinnaalersarnersut.

Malersugassaqqittoq

- Suliassaq una malersugassaqqippoq kulturi matunik ammaassillunilu ilisimasanik tunisisarmat aamma Danmarkimi Danmarkillu avataani paaseqatigiinnermik tunniussaqartarmat. Aamma kalaallit eqqumiitsuliaat taamaapput, taakkua kalaallit pillugit assiliartalersuisinnaapput kalaallillu pillugit Danmarkimi ilisanik tunniussaqarsinnaallutik. Taamaammat pisariaqarpoq ersarissarneqassasoq kalaallit eqqumiitsuliortut Statens Kunstfondimut qinnuteqarniarunik sunik piumaqaateqartoqarnersoq, tusagassiuutinut nalunaarummini taama allappoq.

Aaja Chemnitz Larsenilu kultureqarnermut ministerimit, Mette Bockimit, akineqaqqammerpoq. Akissummi takuneqarsinnaavoq tapiissutinik tunineqarnissamut piumasaqaataanngitsoq Danmarkimi inuit allattorsimaffiannut nalunaarsorsimanissaq imaluunniit qallunaatut innuttaassuseqarnissaq. Taamaattorli eqqumiitsuliortut qallunaat eqqumiitsuliortut akornanni qanoq attuumassuteqarnersut qiviarneqartarpoq.

Naammagittaalliorneq iluaqutaasoq

Suliami pineqartumi eqqumiitsuliortup naammagittaalliorneratigut suliaq qaqeqqinneqarpoq, eqqumiitsuliortorlu maanna suliaminut tunngatillugu tapiiffigineqarsimalerluni.

- Kulturikkut annertunerumik paaseqatigiinnissamut alloriarneruvoq pingaaruteqartoq, naalagaaffeqatigiinnermi nunatta akornini pisuunnguallatsitsisoq. Isumaqarpungalu kultureqarnermut ministerip akissuteqarnermigut kalaallit eqqumiitsuliaat nalittut isigineqartilerai qallunaat eqqumiitsuliaannut tapertaasinnaasut, kalaaleq folketingimi ilaasortaq oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER