Man United
Mourinho'p United'imi sungiusaasuunini naggaserusunngilaa
José Mourinho'p oqaluttuaraa, franskit peqatigiiffissuat Paris Saint-Germain alutoralugu.
Portugalimiu Manchester United'imi sungiusaasoq, José Mourinho, tuluit peqatigiiffianni sungiusaasuunerminik kingulliunissaa eqqarsaatiginngilaa.
Mourinho franskit tv'kkut aallakaatitassiaannit Telefoot'imit apeqqarissaarfigineqarnermini, franskit tv'anni sapaammi aallakaatinneqartumi, oqaluttuarpoq.
- Sungiusaasuuvunga angorusutaqartoq nutaanillu misileerusuttoq, portugalimiu 54-nik ukiulik oqarpoq.
- Qularinngilara, sungsaasuunera tamaani (Manchester United aaqq.) naggasissannginnakku.
Sungiusaasup apeqqarissaarfigineqarnermini oqaluttuaraa, franskit peqatigiiffiat Paris Saint-Germain (PSG) alutoralugu.
- Ungasinngitsukkut ernera Manchesterimut isikkamik arsaattunik isiginnaariani Paris'imukarpoq. Sooq Paris'i? Massakkummi Paris'imi nuannerluinnartoqarpoq. Inuusullutillu pitsaaqaat. Assut nuannerpoq, PSG pillugu oqarpoq.
Mourinho europami peqatigiiffiit Chelsea, Inter aamma Real Madrid sungiusaasuuffigisimavai. 2019-imilu juunip qaammataata tugaanut Manchester United'imut pituttorsimavoq.