Wednesday, February 15, 2017 - 11:47

Motzfeldtip ''akisussaaffeqanngitsumik oqariartuuteqarnerit'' isornartorsiorai

Josef Motzfeldt maanna Kalaallit Nunaata namminersulivinnissaanut oqallinnermut akuliuppoq. Inuit attaveqaqatigiittarfiini oqallinneq ingammik taassuma ernumassutigaa, tamanna AG-mi isummersornerani atuarneqarsinnaavoq
Assi.: Leiff Josefsen
Akaareqatigiinnginneq siunnersuiffilersuinermit inituneruallaaqaaq, inuit attaveqatigiittarfiini namminiilivinnissap oqallisiginera pillugu Josef Motzfeldt naqissusiivoq. Tamannalu politikeriusimasup ernumassutigaa.

AG-mi ullumi saqqummersumi Josef Motzfeldt namminiilivinnissaq pillugu oqallinnermut isummersorluni ilannguppoq, tamanna oqallisaaqqilernikuuvoq - ingammik tunngaviusumik inatsimmut isumalioqatigiissitamik pilersitsisoqarnerata kingorna.

Assigiinngisitaarneq nukittoqqutaassasoq
- Assigiinngisitaarneq ujalorissavarput assigiinngikkaluanillu upperisalinnut akuersaarneq erlinnartuutitatut pigissavarput, Josef Motzfeldt allappoq, taassumalu naqissuserpaa:

- Pingaarluinnarpoq nuna namminiilerusuttoq kamak nalinginnaq sakkuliullugu pilersinneqartussaanngimmat. Akaareqatigiinnginneq siunnersuiffilersuinermit inituneruallaaqaaq, taanna allappoq, nittartakkatigullu attaveqaqatigiittarfinni isummersoqatigiinnerit ''oqallinnerunngitsut'' oqaatigaa.

- Inuiattut oqaluttuarisaanerput qaamaasaqanngissutsip nukingisa avissaartuutsitsiniartut nikanarsassanngilaat. Maani nunaqartugut kinaassuserput qanga pereersuniinnarmiinngilaq aamma siunissatsinni kiffaanngissusermiippoq, taassuma isummersornini taama naggaserpaa.

Isummersuutigisaa tamaat AG-mi saqqummertumi kingullermi atuaruk - aviisi uani ataani linkimi pisiariuk.

Seneste nyheder / Nutaarsiassat kingulliit