isumalioqatigiissitaq
Motzfeldt suliutigaluni siulittaasuuniarpoq
Tunngaviusumik inatsisissaq pillugu isumalioqatigiissitamut millionit affai, Naalakkersuisunnit aningaasaqarnermut akileraartarnermullu ataatsimiititaliaq aqqutigalugu aningaasaliissuteqarnissamut piginnaalersitsineq, isumalioqatigiissitap kissaateqarnera malillugu aningaasanut inatsimmut ilanngunneqariataarpoq.
Tamanna naalakkersuisup Karl Kristian Krusep erseqqissaatigisaani tamanna atuarneqarsinnaavoq.
Siunertat pingasut
Tassani millionit affaat siunertanut pingasunut atorneqarsinnaasut nassuiaatigineqarpoq, kisianni aningaasat sumorpiaq atorneqarnissaat suli aalajangiiffigineqanngilaq.
- Siulittaasup atorfilittut ineqarneranut
- Isumalioqatigiissitami ilaasortat akissarsiaattut
- Allattoqarfiup nukittorsarneqarnissaanut
Aningaasat allattoqarfimmut, akissarsianut imaluunniit inissiamut atorneqassanersut suli aalajangiiffigineqanngilaq, Karl Kristian Kruse naqissusiivoq.
Suliaqarluni siulittaasutut sulineq
Tunngaviusumik inatsisissaq pillugu isumalioqatigiissitami siulittaasoq suliaqarluni siulittaasuunissaa, Tunngaviusumik inatsisissaq pillugu isumalioqatigiissitamit kissaatigineqarsimasoq paasinarsivoq, tassungalu atatillugu atorfilittut inissiaq 2018-imi aningaasanut inatsisissami nalunaarsuinermi taakkartorneqarput.
- Taamatuttaaq Isumalioqatigiissitamit erseqqissaatigineqarpoq Allattoqarfik nukittunerusumik ingerlassappat atorfinittussaareersut saniatigut inummik atorfinittussamik ataatsimik amigaateqartoq. Koruuninik millionit affaanik aningaasaliisoqarneratigut pingaartitat tulleriaartariaqassapput, tigussaasumillu atuilersoqartinnagu aningaasat qanoq atorneqarnissaat pillugu Naalakkersuisut Isumalioqatigiissitallu akunneranni isumaqatigiissuteqartoqaqqaassaaq taamalu aamma Inatsisartut Aningaasaqarnermut Akileraartarnermullu ataatsimiititaliaanit akuersissutigineqaqqaassalluni, Karl Kristian Kruse ilisimatitsivoq.
Qaffaanerit ataatsimut
2017--mit 2018-imut qaffaanerit 526.000 koruuniusinnaapput, Sermitsiaq.AG-p siornatigut ilisimatitsissutigisaanik 750.000 koruuniunatik.
Aamma atuaruk: Isumalioqatigiissitami ilaasortat maanna akissarsiaqaleriasaassapput