Thursday, October 12, 2017 - 09:14

Motzfeldt: Spaniap namminiilivinnissaq ataqqissavaa

Tunngaviusumik inatsisissaq pillugu Isumalioqatigiissitap catalanerit namminiilivinnissamik ilungersuuteqarnerat tapersorsorpaa, Spaniallu naalagaaffiata immikkoortiortami innuttaasut suusupagigai isumaqarpoq.

Tunngaviusumik inatsisissaq pillugu Isumalioqatigiissitap pingasunngornermi nalunaarutaani tamanna atuarneqarsinnaavoq.

Naapertuilluanngitsoq
- Nunarsuarmioqatigut kiffaanngissuse-qarnermik ilungersuutiginnittut assigalugit catalanerit namminersulerusunnerat paasilluarparput. Killiliiffigineqarani isummersinnaaneq inuit pisinnaatitaaffiisa pingaarnersaraat. Taamaammat catalanerit siunissartik pillugu isummernerat suusupagalugu naalagaaffiup Spaniap pissusilersornera kalaallit isaannit isigalugu naapertuilluanngitsuliorneruvoq, Tunngaviusumik inatsisissaq pillugu Isumalioqatigiissitap siulittaasua Vivian Motzfeldt oqarpoq.

Isumalioqatigiissitaq oktoberip ulluisa arfernganni ataatsimiinnermini aalajangerpoq Cataloniami pisoq pillugu Naalakkersuisut Inatsisartulluunniit qisuariaateqanngippata allatut ajornartumik Isumalioqatigiissitaq taamatut qisuariaateqassasoq, Vivian Motzfeldt ilisimatitsivoq.

''Ajorluinnartoqarpoq''
- Cataloniami amerlanerungaartut isumaat suusupagineqarsinnaammat uagutsinnut tupinnar-luinnarpoq. Ajortoqarpoq. Qujanartumilli inuiaat assigiinngitsut, soorlu naalagaaffiitsut, inuiattut siunissartik nammineq aalajangiiffigisassartik ilisimaaralugu sukakkaluttuinnarput. Qujanartumillu oqaloqatigiinnerup isumaqatiginninniarnerullu aqqutaa amerlanersaasa atorusuppaat. Uagut kalaallit kisimiinngilagut namminersulerusuttut, taamaammat catalanerit namminersulerusunnerat pillugu catalanerinik taperser-suinerput matumuuna nalunaarutigaarput, isumalioqatigiissitaq nalunaaruteqarpoq.

Cataloniami innuttaasut qanittukkut taaseqammerput, tassani 90 procentii namminiilivikkusuttut paasinarsivoq. Spaniap naalagaaffiata taasineq ataqqinngilaa, tamanna perulluliortoqartillugu pivoq.

Seneste nyheder / Nutaarsiassat kingulliit