Toqusoq
Morten Kahlke toquvoq
Akileraartarnermut aqutsisoqarfimmi aqutsisoqarfimmi pisortaq Morten Kahlke sivikitsuinnarmik napparsimareerluni toquvoq
Morten Kahlke ukiorpassuit Nunatsinni sulereerluni maanna qasuersaarpoq. 56-iinnarnik ukioqarluni toqukkut qimaguppoq eqqaaniarlugulu naalagiaqatigiinneq Nuummi sisamanngornermi nalunaaqutaq marlunut Annaassisitta Oqaluffiani pissaaq.
Morten Kahle Nuup Kommuniani 1984-mi atorfinippoq tassanilu ukiuni 24-ni atorneqarpoq. Ukiorpassuit akiliisitsiniartarfimmi pisortaavoq 2011-milu Namminersorlutik Oqartussani akileraartarnermut aqutsisoqarfimmi aqutsisoqarfimmi pisortatut atorfininnissani sioqqullugu aningaasaqarnermut pisortaavoq.
- Akileraartarnermut Aqutsisoqarfimmi sulisut tamaasa sinnerlugit Morten Kahlkep ilaqutai misiginneqatigingaarpavut. Pisortatsialattut suleqatitullu pikkorissutut maqaasi-neqarumaarpoq eqqaamaneqarumaarlunilu, aqutsisoqarfimmi pisor-taagallartoq Kim Neumann Nielsen taama nalunaarpoq.