attaveqarneq
Mobilit attaveeruteqattaarput
Sms aamma naliginnaasumik mobilikkut oqalunneq kipisaqattaartut Tele Post nalunaarpoq
Mobilimik oqalunniartillutit kipisooqattaaruit imaluunniit sms-mik nassitsiniarnerit ajornakusoorpat kisimiinngilatit. Tele-mi atortorissaarutit ajoquteqarnerat pissutaalluni attaviit kipisaqattaarput.
Attaveqaatip ajoquteqalernerata kinguneraa oqarasuaatit angallattakkaniit sianerneq SMS-ernerillu kipisaqattaalerneranik, akerlianilli datamik tassa internitsit attaviit ajoquteqaratik, Tele Post nalunaarpoq.
Suliffeqarfiup teknikeriisa ajoqutaasoq nassaariniarlugu sulipput. Oqarasuaatit internetimut atasut attaveqarnerat aamma kipisaqattaarpoq.