attaveqaatit
Mobilinut attaveqaat attaveqaqqilerpoq
Tele-Postip attaveqaatinillu pilersuisut mobilinut attaveqaammi ajoqutaasoq iluarsivaat
Teknikerit mobiltelefonimullu attaveqaammik pilersuisut Tele-Postip mobilinut attaveqaataata ajoqutaa sapaatiummat unnukkulli attaveeruttaqattaartoq aaqqippaat.
Sullitat suli SMS-inik nassiussisinnaanatillu tigusisinnaanngitsut imaluunniit sianerfigineqarsinnaanngitsut, mobilertik qameriarlugu ikeqqittariaqarpaat, taamaalilluni nutartersinnaassammat. Ajornartorsiummut tamanna aaqqiissutaassaaq, ingerlatsivik namminersorlutik oqartussanit pigineqartoq nalunaarpoq.
Arlaleriarlutik nassiussisut
Sullitat ilaasa sms-ii arlaleriarlutik nassiunneqartarsimapput. Tamanna akiligassiissutaassanngilaq.
Mobilit attaviinut qitiusoqarfimmi atortut ilaata pingaarutillip ajoquteqarnera attaveerunnernut pissutaavoq.
Tele-Postip ajoquteqartoqarnera ajuusaarutigaa.
Atuaruk: Tele-Post mobilinut attaveqaatitigut ajornartorsiortoq