endelig
Mobilinnut internetti sukkanerusoq
Tele-Postip mobilinit internetti atorlugu paasissutissanik aallarnermi sukkalisaavoq
Atuisut mobili atorlugu internetimi alakkarterisartut ullumikkumiit aallersinnaanngorput 7,2 Mbit sukkassuseralugu, nassitsinerlu 1 Mbit-inut qaffatsinneqarpoq. Allannguineq sioqqullugu sukkassuseq aallernermi 2 Mbit-iuvoq nassiussinermilu 0,5 Mbit-inik sukkassuseqarluni.
- Atuisutta alakkarterinerminnut mobili atuleraluttuinnarpaat, taamaammat atuisinnaanerat pitsaaninngortikkusupparput, telemut pisortaq Anders Barslund oqarpoq.
Tamatuma saniatigut mobildata-mut akimik Tele-Postip appaaniarnera eqqaasitsissutigaa. Qinnuteqaat taanna ingerlatseqatigiiffiup oqartussaasunut nassiuppaa ulloq 1. maj.
- Oqartussaasunit akuersissut tiguniariarlugu mobilt bredbåndip sukkassusaa qaffatsinniarlugu aammalu mobildata-mut aki appartinniarlugu Tele-Post piareersimavoq, Anders Barslund oqarpoq.