Kiisami!

Mobilimik atuineq killeqanngitsoq Tele-Postip saqqummiukkaa

Ingerlatseqatigiiffimmi Namminersorlutik Oqartussanit pigineqartumi atuisut maanna sianernermut sms-ernermullu akimik aalajangersimasumik akiliinissamut periarfissaqalerput

SMS, mobiltelefon
Ingerlatseqatigiiffimmi Namminersorlutik Oqartussanit pigineqartumi atuisut maanna sianernermut sms-ernermullu akimik aalajangersimasumik akiliinissamut periarfissaqalerput

Tele-Postimi atuisunut nutaarsiassatsialaqarpoq.

Tassami 'Tusass Plus' nutaarluinnaq atorlugu mobilimik atuisut Nunatsinni killeqanngitsumik qaammammut 199 koruunimik akiliillutik oqaluussisinnaallutillu sms-ersinnaalerput.

Ingerlatseqatigiiffimmi Namminersorlutik Oqartussanit pigineqartumi pisortaanerup, Kristian Reinert Davidsenip, Tusass Plusip saqqummiunnera nuannaarutigaa.

- Ullutsinnut naleqquttumik mobilinut attartornerup sullitatsinnut neqeroorutigisinnaanera kissaataavoq, soorlu nunani allani taamatut iliortoqarnera nalunngikkipput, taamaattumik ullumikkut saqqummiussineq tulluusimaarutigaarput, taanna tusagassiuutinut nalunaarummi oqarpoq.

Mobildata nammineq aqunneqarsinnaasoq
Tamatuma saniatigut atuisut mobildatamik qanoq annertutigisumik atuissanerlutik aalajangersinnaavaat, Tele-Post ilisimatitsivoq.

Tusass Plusitaarniaraanni nunatsinneersumik mobilnormoqarnissaq aammalu tusass.gl-imut nalunaarsorsimanissaq pisariaqarpoq. Quppernermut imminut sullissiffiusumut nutaamut nalunaarutigisoqarsinnaavoq pisariitsumik aammalu atuineq tassuuna aqunneqarsinnaavoq.

Tusass Plusip siullermik innuttaasunut tuniniarneqarnissaa eqqarsaataavoq, inuussutissarsiutilinnulli naleqqussakkamik periarfissiissummik Tele-Post qanittukkut suliaqarluni aallartissaaq.

- Sullitagut inuussutissarsiummik ingerlatallit maannangaaq nuunnissaq kissaatigissagunikku, siunnersortigisartik attavigisinnaavaat, Tele-Post ilisimatitsivoq.

Atuaruk: Kirkegaard: Tele-Post ineriartorteqqinneqassaaq

Powered by Labrador CMS