internetti
Mobilimi internetti sukkanerusoq
Mobilinut pakket marluk Mobil Akulleq aamma Mobil Angisooq Telep sukkanerulersippai
– Sukkatsinnissaat qangalili kissaatigisimavarput, akiliisitsisarnermulli periutsip aaqqinnissaa utaqqimaaqqaarallaratsigu, Tele-Postimit tusagassiorfinnut nalunaarut naapertorlugu tuniniaanermut ussassaarinermullu pisortaq Jonas Hasselriis taamatut oqarpoq.
Tusagassiorfinnut nalunaarut naapertorlugu Mobil Akullermik atuisut sukkassuseq 8 megabiti atorlugu paasissutissanik aallersinnaassapput, sukkassuserlu 2 megabiti atorlugu nassiussisinnaassallutik.
Mobil Angisuumik atuisut sukkassuseq 10 megabiti atorlugu paasissutissanik aallersinnaassapput, sukkassuserlu 2 megabiti atorlugu nassiussisinnaassallutik.
Sukkassutsit nutaat ullumimiit marlunngornermit atuutilersut Tele-Post paasissutissiivoq.
Mobilikkut attaveqaatinik taakkuninnga marlunnik atuisartut pitsanngorsaavigineqarnerat Jonas Hasselriis-ip nuannaarutigaa.
Tusassimik Mobil Mikisumillu atuisut suli sukkassuseq 7 megabiti atorlugu paasissutissanik aallertarsinnaassapput, sukkassuserlu 1 megabiti atorlugu nassiussisarsinnaalissassapput, Tele-Postimit tusagassiorfinnut nalunaarummi allassimavoq.