mittarfiit
Mittarfiulaaginnartoqarsinnaanngilaq
Kalaallit Nunaanni Aningaasaqarnermut Siunnersuisooqatigiit 3,6 milliard koruunit atorlugit mittarfiliorniarnermi tunngavissaalatsipput
Arnaq inuusuttoq naartunersoq aperineqartoq pillugu oqaluttuatoqaq aallarniutigeriartigu.
– Naagga, naartunngilanga…taamaallaat immannguaq.
Taamaattoqarsinnaanngilarli.
Naartusoqarsinnaavoq imaluunniit naartusoqarani.
Mittarfinnut atatillugu aamma taamaappoq.
Naak Airbus imaluunniit Boeing sapaatit akunneranut ataasiaannarluni mittassaagaluartoq suut tamarmik piareersimasussaapput: Isumannaallisaaneq upalungaarsimanerlu piareersimassapput, mitsitsisarfik inuttaqassaaq, mittarfik aserfallatsaaliorneqassaaq allallu kiffartuussinermut tunngasut, ilaatigut akunnittarfik niuertarfillu ammasussaallutik.
– Takorloorneqarsinnaanngilaq ikinnerusut mittussaatillugit mittarfiup ilamerngata peerneqarnissaa, Kalaallit Nunaanni Aningaasaqarnermut Siunnersuisooqatigiit siulittaasuat Torben M. Andersen Sermitsiamut oqarpoq.
Taamaattumik Kangerlussuaq Narsarsuarlu qanoq pineqassanersut ersarissumik akissutiseruppaa, Ilulissani Nuummilu mittarfiit tallineqarpata Qaqortumilu nutaamik mittarfeqalerluni 2022-mi ukiakkut ammartussamik.
Suliaq pillugu Sermitsiami paasisaqarnerusinnaavutit, tassani Torben M. Andersen allatigut mittarfinnik suliniutinut paasissutissanik ujartuivoq: