Mittarfittaasssat: Partii Naleraq aalajangernissamut piffissalerneqarpoq
Kalaallit Airports sisamanngorpat ataatsimiinneranni mittarfiit nutaat pingasut sanaartorneqarnissaannut neqeroortitsinissamik kinguartitsisoqassanersoq aalajangissavaat. Suliniut taamaasilluni ukioq ataaseq kinguartinneqassaaq
Annonse
2200 meterinut neqeroortitsinissaq siunertaqarnavianngitsoq Kalaallit Airportsip siulersuisuini siulittaasoq Johannus Egholm Hansen KNR-imut oqarpoq.
Partii Naleraq Naalakkersuisooqataagaluarlutik mittarfittaassat takissusissaat apeqquserpaat. 1199 meterinik mittarfiliinissat inuiaqatigiinnut qanoq sunniuteqassanersoq misissorusuppaat.
Kalaallit Airportsimit taamatut nalunaartoqarnera ilisimaneqarpoq. Aningaasamut inatsimmut 2018-moortumi neqeroortitsinissamik suliniuteqartussatut aningaasalerneqareerpoq.
- Mittarfiit takissusissaat allat eqqartulissagutsigit, allaanerusullu akuersissutigineqassappata, taava pilersaarusiorneq aallaqqaataaneertariaqassavarput, Johannus Egholm Hansen KNR-imut oqarpoq.