Skip to main content

Mittarfissat: Naatsorsuineq amigaatilik

Takorluukkat piviusunngortikkusukkutsigik kinguneqaatissat isiginiarnissaannut qunusuissuseqartariaqarpugut, Grønlandsflyp pisortarisimasaa oqarpoq, taassumalu Deloittep inuiaqatigiit aningaasarsiornikkut kinguneqaatissaanut misissuinera amigaateqarnerarpaa.

– Inuiqatigiit aningaasarsiornerannit isigalugu qularnanngivinngilaq 2.200 meterinik takissusilinnik mittarfeqalernissamik sinnattu isumassarsiatsialaasoq, taamatut aviisimi uani isummaminik saqqummiussilluni allappoq aningaasarsiornermik ilisimasalik Grønlandsfly A/S-illu pisortaanerusimasaa Peter Fich, siunnersuinermik ingerlatsiviup Deloittep namminersorlutik oqartussat sinnerlugit maanna siunissamilu mittarfeqarnerup inuiaqatigiit aningaasarsiornerannut kinguneqaatissaanik misissuinera atuaqqissaareerlugu. Tassani Deloitte inerniliivoq inuiaqatigiit aningaasarsiornerannit isigalugu Nuummi Ilulissanilu mittarfissualiornissaq pitsaanerussasoq, Kangerlussuarmi Narsarsuarmilu mittarfissuit pioreersut attatiinnarneqarnerannit.

90 millioner koruunit arajutsineqarsimasut

Peter Fichili naapertorlugu ukiuni 25-ni tulliuttuni ukiumut aningaasartuutissatut akiliutissatullu arajutsineqarsimasut 90 millioner koruunit ilanngukkaanni naatsorsuineq killormut inerneqassaaq; tassa mittarfiit nutaat inuiaqatigiit aningaasarsiornerannit isigalugu aaqqiissut akisunerpaajussasoq. Taamatulu pisoqarsinnaalluarpoq, Peter Fich itisiliivoq, isumaqarporlu Deloittep naatsorsuinera arlalitsigut amigaateqartoq.

– Deloitte atortussarpassuarnik tunbineqarsimarpasikkaluartoq isumaqarpunga arlalinnik amigaateqartoq erseqqinnerusumik qulaajarneqartariaqartunik. Assersuutigalugu isumaqarpunga Kangerlussuup mittarfeqarfissuarmiit heliporteqarfimmut allanngortinneratigut aningaasartuutissaviit naammattumik misissorneqarsimanngitsut. Kikkut helikopterimik Kangerlussuarmut timmisartuunneqartassappat? Tassaappat takornariat nunaqarfimmiulluunniit? Nunaqarfik taanna tamarmik mittarfimmik takornariaqarnermillu tassannga annertusiartorsimasumk tunngaveqarpoq. Mittarfik atorunnaarsinneqassappat takornariaarutissaaq inuerutissallunilu. Taamaattumik uggornarnerussaaq oqaraanni tassani mittarfeqarunnaassappat taava taarsiissuteqarluni arsaarinnissuteqarnissamut aammalu illuutit atortullu tamakkiisumik isaterneqarnissaannut aningaasaliisoqartariaqartoq.

Inuiaqatigiinnut aningaasarsiornikkut kinguneqaatissaanut misissuinerup isornartorsiorneqarnera aviisimi  Sermitsiami kingullermik saqqummersumi ugguuna atuarsinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER